İroni prezident Rujə İdi bə mısılmonon təbrik votışe.

İroni prezident qıləy peyğomi vasitə Rujə İdi bə dınyo həmmə mısılmonon təbrik votışe.

Bə İrib raporti əsos İroni prezident, Həsən Ruhani ıştə ım peyğomədə təkidış kardə: islamiyə iştimaiəti dılədə mıburəkə rujə manq iyən Rujə İdi bənə həmmə mısılmonon miyono i bemoni yolə idi dərk karde unvane ta ixtilafon, fəğırəti, ifrot, bədəxloğion, represivə hərəkət iyən terroristiyə fəaliyəton çı islam dınyoku pok və məhv bıbu.

Ruhani əlovəş kardə: ısətnə şərayetədə və bə çəy xoto ki islamiyə ummət karde bızono de həmdeləti və dini nığlə rabitəon zumand karde jıqo deşmənon təfrəğə icodəkə planon vədə bemando çı islamiyə əndişəon dılədə sulh, ədolət və əğliyə əslon barədə bəsirətinə təlimon inkişof doe çı mısılmonə alimon və elitaon vəzifə və qiədəy.

İroni prezident ijən Ğuds beynəl xalğiyə rujədə bə dınyo həmmə mısılmononə kişvəron əzəmətinə huzuri xoto ğədərdontiş kardə və həminə yolə aksiyadə mısılmonə milləti i bemoni çəvon ruşinə peyğomi simvol hisobış kardə ki çı Ğudsi ozod karde, məntəğə məzlumə milləton peştədə mande ijən terroristiyə cinoyəton məhkum karde cəhətədə hisob bıdə.

İronədə ımruj Şəvvalə manqi 1 və Rujə İde.