Ərəbıstonı şərğ hissədə 7 qılə polis kıştə və yarəjə bən.

Səudiyyə Ərəbıstonı daxiliyə koon vəzorətxonə çı məmləkəti şərğ hissə Ğətif məntəğədə bomba tıpe nəticədə Səudiyyə Ərəbıstonı polis ğıvvonku qıleni kıştə be iyən 6 qılə polisi yarəjə beku xəbəş do.

Bə telerədyo aqentəti xəbon əsosi Ərəbıstonı daxiliyə koon vəzorətxonə elanış karde Səudiyyə Ərəbıstonı polis ğıvvonku qıleni zinə Ğətifı Əlmesra məntəğədə hədəf qətə bəy və kıştə bedə.

Ərəbıstonı məmləkəti daxiliyə koon vəzorətxonə qıləy holədə ki bə ım hucumi kırtə məsəlon işarəş nıkarde terroristonış çı ko əncum doə tərəfış elan karde.

dəvardə 3 şanbə ruji həm silahlinə odəmon hucumədə bə Səudiyyə Ərəbıstonı hərbion ki Ərəbıstonı şərğ Əlməsorəh mahlədə təşkil be  Səudiyyə Ərəbıstonı ilə hərbi kıştə və 3 nəfər həm yarəjə bedən.

Əlməsorəh di Ələvamiyyə məntəğədə Ərəbıstonı mubarizə ərə Ruhani Şeyx Nemer Bağırəlnemerı bə dınyo omə vırəy ki 2016 minnə sori yanvarə manqi bə məmləkəti zid hərəkət karde pesoxtə bə bıhtonədə edam be.

ım məntəğə can manqe ki Ərəbıstonı şərğ hissədə bə şiəyon mubarizə dəvom doe simvol bə.