sionist rejimi hərbion hucumədə 141 fələstinıj yarəjə bə.

Fələstinı Helale Əhmər nomo bıə cəmaiyyəti zinə şanqo İordaniya ğərbiyə sahil iyən Ğuds məntəğonədə sionist rejimi hərbion hucumədə 141 fələstinıji yarəjə beku xəbəş doə.

Bə İRNA xəbon əsosi fələstinı Helale Əhmər nomo bıə cəmiyyət qıləy bəyonotdə bə ım məsələ işarə kardeədə ki fələstinıjə yarəjəonku veyə ədəd sionist rejimi tərəfiku ğandə qullə və ğazi nəticədə bə ım vəziyyət dıço bən əlavəş karde ki Ğuds şəhr de 63 qılə yarəjə həmməysə veyə yarəjəş heste.

bə fələstinı Helale Əhmər nomo bıə cəmiyyəti həkimon elanon əsosi 78 nəfər İordaniya ğərbiyə sahilədə yarəjə bən ki 35 nəfər bəvonku ğandə qullə nəticədə yarəjə bən və əmande ğandə qazi nəticədə bə təse holət eqıniyən.