Pars Today

İroni mədəniyyət və islamiyə irşad vəzir votışe: de məntəğə və hamsuyə kişvəron mədəniyə həmkarion inkişof doe məxsusən mərkəzi asiya iyən Ğəfğaz məntəğə kişvəronədə əloğəon İroni nəzərədə vey muhimme.

Reza Salehi Əmiri zinə de Ğəzaxıstani cıvonon, varzış, mədəniyyət və turizm vəzir Aristanbeyk Muhəmmədiuli mıloğat karde cərəyonədə əlovəş kardə: İron de Ğəzaxıstan mədəniyə həmkarion hevuj kardero vey əhəmmiyət hisob kardən iyən 2 tərəf Tehroni muzakirəonədə bə vey çokə nəticəon rəsən.

Salehi Əmiri təsdiğış kardə: Ğəzaxıstan vey yolə kişvəre ki muxtəlifə sahəonədə de İron çokə rabitəş heste ijən tojə dıvrə həmkarionədə hınə, kinə və mıştərəkə filmon soxtə ijən təlim sahədə əloğəon ziyod bəbe.

İroni mədəniyyət və islamiyə irşad vəzir ijən votışe: de diğğət bə məntəğədə Ğəzaxıstani vırə və əhəmmiyət həmçınin de terrorizm mubarizə barde xoto həmkarişon bıbu.

Aristanbeyk Muhəmmədiuli həm ım mıloğat və de İron tojə mədəniyə həmkarion barədə vey rozi bıə ijən təsdiğış kardə: vey məlum iyən muhimmə hərəkəton bo mıştərəkə həmkarion xoto bino bıə.