İmom Cavad(ə)-i şəhodət
İmom Cavad(ə)-i şəhodət
Məğrıb iyən işa nımoji vaxte.çı ziyorətqo dılə iyən ətrofdə nımoj votəkəsonku iborət qıləy dıjdə cəmiyyət movcude ki,nımoji bədiqə əzodorəti mərosimon dəvordıney bino bəkardeyn.çumçuko,İmom Cavad(ə)-i şəhodəti ruje.çandə qılə dastəku iborət əzodorəti heyəton vahidə surətədə mıxtəlifə mərosimon bərpo kardedən,sinə jedən,ziyorət kardedən iyən de dıvo və razo-niyozi məşğul bedən.əvon ım buzurquvarə imomi boştə ulqu qəteydən və pərvərdıqore-aləmi vədə de ədəbi cilvə pəydu kardedən və bə İmom Cavad(ə)-i təvəssul kardə holədə ıştə eşği bəy jıqo nışon doydən:
“Məxsusə şukr iyən tarif bo ə Xıdodye ki,hiçfaxti bəştə hukumuəti jiyədə bıə əhali zılmo-təcavuzi rəvo vindedəni,pok iyən mınəzzəh ə Xıdoye ki,zəmini əhli de mıxtəlifə bəlo iyən əzobi imtovon kardedəni.əy çı harcurnə ayb iyən noxsaniku pok zınedəmon iyən deçəy sıtoyiş iyən tarıfi məşğulimon.(Cəvadiyyə səyfə, Ayətyullah Seyd Məhəmməd Bağır Əbtəhi İsfəhani).
İmom Cavad(ə)-i hərəm iyən zərihi qırdo oromo-ğərol ni iyən ha ləzə cəmiyyət ziyod bedə.çı hərəmi har quşəku əzodoron iyən məddohon sədo bə quş rəseydə.bə hərəmi nez qırd kuçəon de milləti pure iyən “Babul-Muradi” babi (bə) dıqlə tərəfi kuçəonədə nəzri xorəkon ğəzənon noey bıə və bə zayiron çın xorəkonku baxş kardey bedə.Kazımeynədə ım şəv xeyli insonon cəm bıən ta de əzodorəti məşğul bıbon.
Marzi bın ton həm İmom Cəvod(ə)-i buzurquvarə pı İmom Rıza(ə)-i hərəmədə qıləy co həyəcon heste. əzodorə cəmiyyət ki,çı “Babul-Cavad”-iku varid bedən,bə mehribonə imomi səlom doydən iyən bə həzrəti bə insonon jimon baxş kardə,ro nışon doə iyən bənə həşi vavriski doə nuraniyə zoti salavat vığandedən.çoko ki,İmom Cavad(ə) hamyedə:
“sıtoyiş iyən şukr bo ə Xıdoye ki,əmə(Əhli-Beytış) deştə mıborəkə dasti çı nuriku ofəyəşe iyən ıştə məxloğati miyono əmənış vıjniyə və bəsə məxloğ iyən heyvononsə əminış ğərol doə”.
İmom Cavad(ə) Xıdo nəvminə huccət Hicri-Ğəməri 195-ə sori Mədinə şəhrədə bə dınyo ome iyən çəy pı şəhodəti zəmonədə həşt sinnış hestebe.ə həzrət ıştə 25 sornə mıborəkə umrədə 17 sor imomətış karde iyən deştə ə kamə sinni ıştə zəmonə alimon bə heyrət vardedəbe.İmom Cavad(ə) Hicri-Ğəməri 220 -ə sori de sərvət iyən ğudrəti vositə bihuş bıə kəson dasti bə şəhodət məğami rəse və ıştə cədd İmom Kazım(ə)-i palu dəfn be. Isət 1200 sor dəvardə və çə həzrəton ğatilonku iqlə sığ həm mandəni və hiçkəs boəvon qıləy fatə-xeyr handedəni.əmmo Bağdadi şimolədə Cavdul-Əimmə(ə)-i iyən çəy cəddi ziyorətqo kəno haruj çandə həzo xonəxo çə həzrəton hərəmi qırdo cəm bedən və əvoni ziyorət kardə holədə,çəvon şıə roy boştə jimoni nımunə qəteydən.
İnson ehanə bıpyişe kəmoli royədə de tərəğği sırdi bəpe bışo,bəbe bə qıləy xatırcəmə vırə təkyəko.ım təkyəco bəbe jıqo etımod kardənin bıbu ki, hiçvaxti çəy suğutiku tarsışon bıbu.vaxtiki,ikəs sırdi çı qıləy nozıkə xıçə iyən arşiyə do səpe bıno,çı suğuti ehtimol ziyode.əmmo qıləy ğoym iyən muhkəmə xıçəsə bıno, həni iyo eqıniye iyən suğut kardey ehtimol sıfr dərəcədəy.
Mənəvi iyən komilə səfə royədə ağılmandə inson bəbe qıləy ğoymə sırd bıvıjno və əy bəbe bə qıləy muhkəmə vırə dəhaşto.jıqo mıtləğə şikilədə peştıpur bıənin iyən ğoymə vırə,fəğət i iyən hikməti soyb bıə Xıdoye. İmom Cavad(ə) hamyedə:”bə Xıdo etımod kardey bəsə harçisə ğeymətış bəpeye iyən bə həmməysə bılıındə vırə şero qıləy sırde”.
