Pars Today

İ bıə milləton təşkilatdə İroni daimə nımoyəndə məxsusə muavin ım təşkilati umumiyə iclosdə Benyamin Netanyahu nıtği mınafiğanə iyən de hiylə və ittiham bə i vırə zınəş be.

Bə İrib raporti əsos həmonə iclosdə İroni nımoyəndə Huseyn Məleki votışe: ım ki siyonist rejimi i minə vəzir jıqo de ətomiyə təvafuğ muxalifət kardedə çın rejimi zot və mahiyətiku əlomətdore boçi ki ım rejim fəğət de canq və daveon bəştə siyasəton rəse fikədə ijən de diplomatikə roon muxalife.

Məleki təsdiğış kardə: siyonist rejimi i minə vəzir səy kardə ta de hillə və bevəcə planon ıştə dəheştinə rəftori məxfi bıkə əmmo ım rejimi mahiyyət fəğət bə işğal, təcavoz, canq, repressivə hərəkəton iyən terrori əsos bino bıə.

Əv ijən votışe: siyonist rejim bəbe tarixədə çandə canqon bino karde, beynəl xalğiyə mığoviləon areşte, bə terroriston komək karde, qenosid, bə bəşəriyəti əleyh cinoyəton, kəon xərobə karde, məktəbon məhv karde Səbra və Şətilaədə ğətliam ijən çandə Fələstinıjon həbs və işkəncə doe barədə izah və cəvob bıdə.

İ bıə milləton təşkilatədə İroni daimə nımoyəndə muzakirə əkə təsdiğ kardə: çumçiku siyonist rejim vey profesenalə cəmi kışte silohon soxtedə iyən çəy xıvande Miyonə Şərğədə ətomiyə silohon məhv karde iclos və bərnoməon dəvoniye pidəş ni.

Siyonist rejimi i minə vəzir Benyamin Netanyahu zinə i bıə milləton təşkilati umumiyə icmaədə ijən bə İroni əleyh be əsosə iddiyaon bəyonış kardə və ətomiyə təvafuği ləğv ya isloh karde tələbış kardə.