Tırkiyə hərbiyə ğıvvon bə Suriyə varid bıən.

Bə rəsə xəbəon əsos, Tırkiyə i minə hərbiyə qrupon bə Suriyə şimalədə bıə Edlib nomo bıə şəhr varid bıən.

Bə Royterz aqentiyəti raporti əsos həminə hərbiyə qrupon ısət Edlib şəhri ətrofədə vırəşon qəte.

Tırkiyə hərbiyə ğıvvon ım hərəkət və huzur qıləy şərayetd əncom bedə ki Tırkiyə i minə vəzir tojədən Suriyədə Tırkiyə hərbion huzuri çı sərhəddon kontrol əkə ijən bə avarəon daxil bey icozə nıdoe ğeyd bıə be.

Əmmo çımiku bə nav çı Tırkiyə mudafiə vəzir, Suriyədə Tırkiyə hərbiyə əməliyaton illəti məntəğə təhdidon məhv karde ğeydış kardə be.

Tırkiyə həmmə hərbiyə ğıvvon mərkəziyə ğərorqo həm iddiyaş kardə ki ım əməliyat çı Astanə şəhrədə bıə İron, tırkiyə və Rusiyə miyono 3 tərəfiyə muzakirəon çərçivədə əncom bıə əmmo bə fakton əsos Suriyə Edlibədə otəş basti qarantiya kardero ğəror be Tırkiyə çı Suriyə dıvləti ğıvvon iyən muxalifon miyono otəş basti kontrol bıkə.