Kərim dəvəşe iyən çı Hacsəfi penalti hisob nıbe.
Kərim dəvəşe iyən çı Hacsəfi penalti hisob nıbe.
Yunanıstoni Olimpiyakos klub çoqlə hənək be ki,ğələbə təmış çaştə nıbe dəvardə şəvi nəhoyətən de Kərim Ənsarifərdi dəvəşey,ım klub Panioniosi klubış çəy zəminədə bardeşe.
Bə"Varzeshe se" sayti məlumati əsos,Kərim Ənsarifərd bəştə sabiğ klubi stadion oməbe ta deştə həmvətonon yəni Şucayi iyən Hacsəfi ısətnə klubi hənəkko.
Olimpiyakosi tojə sərməşçi komandədə tojəyonış əncom doəşbe və Kərimiş fiks bə hənək bekardəşbe.ironıjə Ənsarifərd həm çın şansi ğədrış zıne və bın hənəkədə dıqlə qolış je.əmmo çun bəştə kanə klubi qolış je,əve şoyvonətiş nıkarde.hənək oxoyədə de 4:3 hisobi bə Olimpiyakosi xeyri orəxe.
Bın hənəkədə kə soyb bıə Panioniosi tərkibədə bıə dıqlə ironıjon yəni Şucayi iyən Hacsəfi həm çokə hənəkışon nışon doşone.joqo ki,kapitan Şucayi de penalti vositə çipış je və qol be və Hacsəfi həm 90-ə dəyğədə de rəğib klubi mıdofiyə vositə bə zəmin qıniye,əmmo hakimi əvış penalti təyin nıkarde və ım ko oxoyədə bə qıləy skandali oqarde.
