Suriyə Kırdon çı Rəğğə avarəon oqarde vəyşon qətə.

Suriyədə Kırdə demokratik ğıvvon de silohi bə Suriyə avarəon bəştə kə oqarde icozə dodənin.

Bə Ələrəbi Əlcədid nomo raporti əsos həminə həmlə hadisədə 5 nəfər çı Suriyə avarəonku zəxmin bıən.

Suriyə Rəğğə şəhri avarəon ıştə etıroz aksiyaonədə pidəşone ta bəştə kə oqardon.

Suriyə demokratikə Kırdə ğıvvon ki veyni Suriyə Kırdonku iborətin və çı Amerkə kişvəri himoyəon xıvandin dəvardə haftə çı Suriyə Rəğğə şəhri rəsmi surət ozod kardeku xəbə doəşon bıən.

İjən çı Russiya Əlyəom xəbəiyə kanal həm elanış kardə ki Suriyə şərğiyə ğələmun məntəğədə 11 qılə silohinə ğıvvon sərkərdəon ğəsdışone ki maştə bə Suriyə paytəxt bışon ta de Suriyə dıvlət muzakirə karde xoto sulh və votımonon bino bıkon.

Im məcmoə qruponədə 2 həzo silohinə odəmon hestin ki çı Ğələmuni 5 qılə yolə şəhronədə huzurışone.

Əqə sulh muzakirəon çərçivədə əvon əf bıbun karde bəznin Suriyə hərbiyə ğıvvon cəmədə uzv bıbun.