Suriyə Əbukəmal şəhr kamilə surətədə ozod be.
Suriyə silahlinə ğıvvon itifaği əməliyat mərkəz ım məmləkəti şərğ Deyruzzur ostanədə kamilə surətədə Əbukəmal şəhri ozod beku xəbəş do.
Bə telerədyo aqentəti xəbon əsosi Suriyə silahlinə ğıvvon itifaği əməliyat mərkəzi elanış karde 1 şanbə ruji kamilə sorətədə Əbukəmal şəhri İŞİD terroristiyə qrupi dastiku ozod kardeədə ım şəhrədə İŞİD terroristiyə uzvon tərəfo noə bombaon tıpe vəy qəte əməliyat əncum be holədəy.
çimi bə nav elan bə be Suriyə silahlinə ğıvvon və çəvon şərikon Əbukəmal şəhri 80 faizışon bəştə dast qətə.
nako Suriyə silahlinə ğıvvon və çəvon şərikon Əbukəmal şəhrışon İŞİD terroristiyə qrupi işğaliku ozodışon kardə be əmmo İŞİD terroristiyə qrup dıştə tərəfdaron mincumlə Amerkə koməkəti tojədən Əbukəmal şəhrışon işğal kardə be.
Əbukəmal şəhri ozod beədə Suriyə silahlinə ğıvvon iyən çı məmləkəti şərikon bə muhimmə səbarzəti rəsin və İŞİD terroristiyə qrupi uzvonışon çəvon oxonə mərkəzonku beğandışone.
