Messi,Ronaldo iyən Neymar eğvoli pışki çəş kardedən.

Messi,Ronaldo iyən Neymar eğvoli pışki çəş kardedən.

Dınyo yolə fitboliston elonışon karfdə ki,behovsələ çı Dınyo Çempiyonəti pışk ğöandey mərosimi intizorədən.

Bə"Varzeshe se" sayti məluamti əsos,Rusiyə-2018 Dınyo Çempiyonati pışk ğandey mərosim maşki dəvordıney bəbe.deməkə ki,bo ın mərosimi kamə zəmon mandə,nəinki,həvodaron,bəlkəm dınyo fitboli dıjdə astovəon həm boştə omə sori tovostonədə bıə rəğibon zıneyro,ziyodə sterss iyən həyəconi dılədən.bın miyono FİFA sayt qıləy video mıntəşirış kardə ki,əyo Liyonel Messi,Kris Ronaldo iyən Neymar çın mevzu həxədə sohbətışon kardə.

Ronaldo:"ıştəni çok hiss kardedəm.harçənd kali komandəon bəsə co qıləynisə vey zumandin,əmmo qırd qrupon eyni səviyyədən.zira zınedəm ki,çəy vaxt bırəso çəmə komandə hozzı bəbe.de har qıləy komandə həm dimbədim omimon,bəbe bə ğələbə fik bıbəmon,farğ kardedəni."

Messi:"mı şəxsən ım pışk ğande mərosimi təğib bəkardem.həlbəttə,ehanə de təlim-məşği zəmoni bə ico nıbu.ısətiku bə de çəmə qrupi mərhələdə bıə rəğibon fik kardedəm".

Neymar:"bın bovədəm ki,əmə de har qıləy rəğibi hənək kardero hozzı mon. bə pışk ğande mərosimi diyə bəkardemon,çən peşo deştə xıyzon iyən duston qəp bəjənem.həmməkəs de iştiyoği bə televizori ebərəxeyn.