Bo Neymari çı Ronaldo iyən Messiku dəvardero vey çokə fırsət.
Bo Neymari çı Ronaldo iyən Messiku dəvardero vey çokə fırsət.
Brazilyəvıjə astovə Neymar tıvostonədə çı Barselonəku co be və ısət çı real Madridi mığobilədə boştə erji isbot kardero qıləy çokə fırsətış bə dast vardə.
Bə"Varzeshe se" portali məlumati əsos,Neymari de 222 milyonə avro bə Paris transferi tarıxiku,çəy hədəf iyən məğsəd mıəyyən be.əmmo çəy bə Parisi klubi ovaştey foydə bəbe mıəyyən bəbe ki,Pari San Jermen Avropədə Çempiyonon Liqə ğəhrəmon bıbu.
Bəbe Neymari çı Çempiyonon Liqə tarıxədə həmməysə dıjdə oqardemoni ilhombaxş kardə kəs zıney bıbu.çumçıko deçəy dubli(dıqlə qoli)vositə be ki, çı Pari San Jermeni mığobilədə 4-0 məğlubiyyəti əvəz beşey be və Barsa bə peşonə mərhələ ovaşte.
Isət Neymar çı Pari San Jermeni ixtiyorədəy,əmmo çın klubi Çempiyonon Liqə həştədə 1 mərhələdə co qıləy işkilış heste.əv həm Real Madride.joqo ki,zinə ruji pışk ğandey mərosimədə mıəyyən be ki,Fransəvıjon bəbe de Çempiyonon Liqə oxonə 2 kərə ğalib bıə Reali klubi dimbədim boon.
