Zərif: Yəmənədə canqi bə oxo rosniye həmmə kəson yolə məsuliyəte.

İroni xarıci vəzir bə Yəmənədə Ərəbistoni hərbiyə bombardımoni dəvom peydo karde işorəş kardə və votışe: Yəmənədə bıə canqi orxə çı həmmə kişvəron məsuliyəte və bəbe əməli bıbu.

İroni xarıci vəzir zinə ıştə tuviter səhifədə təkidış kardə: İron İslam Respublika həmişə təsdiğ kardə ki Yəmənədə bohranon həl kardero hərbiyə roon bə nəticəy bərəse və har kişvər ki ım dərk və zınə xıvand bıbu bə ım prosess komək kardedə və İron bəy komək bəkay.

Zərif əlovəş kardə: İron kamilən hozzoe ki bo Yəmənədə otəş basti bərğərol kardero komək bekə və humanitarə koməkon vığande kənoədə Yəməni-Yəməniyə votımonon prosessədə zəminəon hozzo bekə.

Ərəbiston de Amerkə, i bıə Ərəbiston və bəzi kişvəron koməki bə Yəmən hərbiyə huccumi bin karde kənoədə ım kişvəri zəmini-diyoi və Avyasiyaku mıhosirəş kardə.

Yəmənədə Ərəbistoni canqiyə siyasəton detosə bə ısət çı Yəməni milləti çand milyon nəfəri avarə karde və çand həzo nəfəri kıştə və zəxmin bey bois bıə.

Isət vey faxte ki de Yəməni sərhəddon bastə Yəmənədə insoniyə bohranon anədə şiddətin be ki bə rəsmi statistikaon əsos har 10 dəğiğə i qılə çı Yəməni hırdənon de xorak və dəvadamon nı bey xoto mardedə.