Osmoniyə surəon-73

Osmoniyə surəon-73

Vəynə proqramədə zınemone ki,Məryəmi mıborəkə surə Kərimə-Ğıroni Məkki surəonku qıləyniye.çın surə dastoniyə ayəon vey ğəşənq,təsirəkə iyən ibrətamize.Məryəmi mıborəkə surədə bə ın əsosinə nuktə təkid kardedə ki,pərvərdıqore-aləm iqləyniye və çı mışrikon şərik ğayil vində çiyonku pok və mınəzzəhe.

Həzrəte Məryəm(ə) iyən İsa(ə)-i dastoni bəyoni bəpeştə,çın surə 41-ə ayə çı İberym(ə)-i jimoni i baxşi bəyon kardedə və bə ın tohidi ğəhrəmoni işorə kardedə və təkid kardedə ki,çın ilahi dıjdə peyğombəri dəvət-bənə co ilahi rəhbəron çı tohid iyən Xıdoşunosi noxtəku bino bedə.de ko əloğədor İbreym(ə) deştə pı bıə mınozirə iyən debati həxədə şərh doey bıə.həlbəttə,mıfəssır iyən təfsirəvonon çın şəxsi çəy pı ya amu bıey barədə ixtilofışon heste.joqo ki,41-ə ayədə hamyedə:

Bın kitobədə İbreyimi zikrkə ki,həyğətən əv qıləy rostəvıjə peyğombər be.bə zəmon ki,bəştə pış (amuş) vote:ha çımı pı ha! boçi nıməsə,nıvində iyən tıni qıləy çiku be ehtiyoc nıkardə (bətı xəyo-zərəlış nıbə) çiyon pərəstış kardedəş?.

İbreym(ə) sıftədə ıştə dəvəti ıştə nezə odəmonku bino kardedə.ım bəçəy xoto ki,çı insoni bəştə nezə odəmon nufuz iyən təsiri dayirə vey hevuje.liza,əv ıştə pı bə yektapərəsti iyən vahidə Xıdo sıtayişi tərəf dəvət kardedə və voteydə:Ha çımı  (şinə) pı!həyğətən,botı nıomə qıləy elm bomı omə.çən,bəmı tabe bıbu ki,tıni bə rostə ro hidoyətkəm. Ha(şinə) pı! Bə şəytoni ibodət məkə ki, bə rosti şəyton bə Rəhmanə Xıdo asi bıə.

İbreym(ə) bəştı pı iyən bə qırd bəşəriyyəti ın əsosə həyğəti təlim doydə ki,hakəsi bəbe ıştə jimonədə qıləy mıəyyənə hədəfəış bıbu.əv bəbe həxı bızıno iyən siratəl-mustəğimədə ğədəm şodo.ehanə jıqo nıbu,bə şəytoni tor ebəqıne və şəyton əy çı royku bebəkarde və bə yavə roy tərəfə bəberde.inson bəbe ıştə xey iyən səlohi çı kurkuronə təğlid iyən təəssıbonku bə diyəroə holədə mıəyyənko.əve ijən İbreym(ə) çı şırk iyən bıtpərəstəti yavə ağıbəti bəştə pı yod dənoydə və votedə: Ha(şinə)pı !az tarsedəm ki,Xıdovəndi tərəfiku bətı qıləy əzob bırəso iyən tı çı şəytoni dustonku bıboyş.

Əmmo çı İbreym(ə)-i məntıği iyən istidlalinə sıxanon ki,hejo de lutf iyən məhəbbəti bə ico be, bəçəy pı Azəri dıli təsirış nıkarde və əv hidoyətış pəydu nıkarde.əv ım sıxanon məsey bəpeştə vey norohət be və voteşe: Voteşe:ha İbreyim ha! ayə çımı xıdoonku bezoş?(bəvon nifrət kardedəş?)ehanə çın(hərəkətiku)dast nıkəşoş,şəkk ni tıni sənqısar bəkam.və(ısət)qıləy dırozə mıddətədə çımıku bə diyəro bımand. İbreym(ə) bə həmmə ilahi peyğombər iyən osmoniyə rəhbəron çın şiddətinə hoziyəti mığobilədə de veyə ehtırom iyən alicənobəti :( çəyku co be) voteşe:səlom bıbu bətı,rəyrə ıştə pərvərdıqoriku botı istiğfor tələb bəkam.zira əv,hejo bəmı nisbətədə vey mehribon bıə.47

Nəhoyətən,həzrəte İbreym(ə) bə aqressivə mışrikon tərəfiku həxı ğəbul nıkardey xoto,çə həmonə mınhərifə camiyəku co be.əv hejo çı tohidi munadi iyən vanq jıəkəs be və ıştə bın koyədə istiğamət kardedəbe.harçənd həmonə zəmoni fosidə cəmyət kulliyə formədə bəçəy ələyh be,əmmo əv oxoyədə coyli nımande.Xıdovənd deştə rəhməti şua,bə həzrəti bənə İshoğ və çəy fərzənd Yəğubış baxş kardeşe ki,çəvon har qıləy dıjdə pəyğombəronku bə hisob omeydə.bəçəvon ehdədə bıə risoləti bə vırə rosney fədokorəti iyən sabitəti xoto,Xıdovəndi əvonış məşhur karde və məxloğ əvoni çı cihod,təğva,pokəti  iyən Xıdoşunosi ulqu zıneydən.