Kaşan,İroni kitobi çominə paytəxt

Kaşan,İroni kitobi çominə paytəxt

İroni kitobi paytəxti vıjnemoni bastemoni mərosim,çoşanbə(27 fevralədə) Tehronədə dəvordıney be və Kaşani şəhr çı İroni kitobi çominə paytəxt vıjniye be.İroni kitobi paytəxt de kitob handey tərvic kardey hədəfi,1397-ə sori(21 martiku) bino be.

İroni kitobi paytəxt qıləy loyihəy ki,ha sor İroni kitobi unvanədə vıjniye bedə.çın loyihə ibaxş de “dınyo kitobi paytəxti” nomi ulqu qətə bıə,əmmo icroyi strukturi nəzəku,de İronədə bıə mədəni fəaliyyəton şərayiti ziyodə həmahənqətiş heste və deəvon yeksan formədəy.

Dınyo kitobi paytəxt Miladi 2001-ə soriku bın tərəf ha sor çı YUNESKO onemoni tərəfiku bə qıləy şəhri doey bedə ta çı kitob iyən kitob handey məğami zumand kardey cəhəto ziyodə koon vindey bıbu.çı Yunesko bın koyku hədəf ıme ki,de ın roy vositə bə kitobi ayid bıə de fərhənqi bərnoməon icro məşğul bıbu və milləti miyono çı kitob handey ruhiyyə icodko.

İronədə boçəy vıjniyero hiç qıləy maliyyə prizon nəzədə qətə bıəni,bəlkəm bo kitob iyən kitob hande mədəniyyətiro həmməysə vey çokə proqrammaəon hozzı kardə bıə.çın plani hədəfonku qıləyni,kitobi sektorədə devləti ya ğeyri-devlətiyə onemonon bın koyədə iştirok kardey,xısusi baxşonədə investisiya noey,kitobi sahədə nuyə kəşfon və ideayon himoyə kardey,fərhənqi sektorədə  bıə proqramon ğeyri-mərkəzi kardey,mədəni ədoləti zumand kardey iyən kitob handey mədəniyyəti tərvic kardeye.

İroni şəhron miyono bo kişvəri kitobi poytəxti tituli bə dast vardero,mısobiğəon iminə soronədə,Əhvazi şəhr bə nuyə proqramon hozzı kardey,iştirokçiyəti,effektiv iyən əloğədor və həmçinin deştə xısusi sektoron istifodə kardey,xəlğiyə qrupon,fərhənqi iyən varzeşiyə mərkəz və sənaye,İroni kitobi poytəxti titulış bə dast varde.

Dıminə devərədə nişapuri şəhr çı İroni kitobi poytəxt vıjniyə be və çəy həm həmməysə muhimmə dəli,bın şəhrədə bə kitobi ayid bıə fəaliyyəton icro kardey xoto,çı mıxtəlifə devləti ya ğeyri-devlətiyə təşkiloton miyono qıləy çokə həmkorəti kardey be.seminə devrə ki,ponə sori be, Buşehr şəhr çı İroni kitobi poytəxt vıjniye be.Buşehr şəhr həm deştə kitob handey tərvic kardey himoyə planon,ım titulış bə dast varde və ım sori ki,oxonə rujon əmə dəvordınedəmon,bın şəhrədə bə dığğəti loyığ koon vindey bıə.Buşehr mıvəffəğ bıə de 32 qılə nuyə plani icro kardey və de” bə ozodi rəsey roon,saxte,kitob qıləy istisnay” devizi,sori kitobi poytəxti titulışon bə dast varde.