Osmoniyə surəon-76

Osmoniyə surəon-76

Taha mıborəkə surə Kərimə-Ğıroni vistminə surəy.çın surə ayəon Məkkədə nozil bıə,əve əv çı Məkki surəonku bə hisob omeydə.çın surə 135 qılə ayəş heste və bənə co Məkki surəon çı məbdə iyən miadi barədə bəhs kardedə. ım surə çı tohidi təsir iyən bərəkəti və çı şırki mənfiyə təsir və nəticəon bəyon kardedə.bın surədə həzrəte Mosə(ə)-i macəra ətrofin iyən  mıfəssələ şikilədə bəyon bıə və çın surə təğribən 80 qılə ayə bə ın dastoni məxsuse.çəy çandə qılə ayəon çı Kərimə-Ğıroni əzəmət iyən Xıdovəndi sıfəton həxədəy,kali qıləyni həm bə Odəm(ə) iyən Həvvo macəra,İblisi vəsvəsə iyən oxoyədə bəçəvon zəmini dimisə enovney məsələ işorə bıə.çın surə oxoyədə həmçinin oğoəkə çəşnaviyon həm mevcude.ın surə de “Muğəttə Hərfon” bino bedə və bə həmonə dəlili xoto,çın surə nom Ta Hay.

Taha.əmə Ğıronro bətı nozil nıkardemone ki,tı bə zəhmət eqınoş.Əmə fəğət əvımon bo (Xıdoku) tarsə kəson qıləy pand və təzəkkur(vığandemone).əv çı zəmin iyən bılındə osmonon xəlğəkə kəsi tərəfiku nozil bıə.(1-3)

De ın tərtibi Taha mıborəkə surə de inev bə Xıdo-Rəsuli(s) təsəlli doə formədə bino be.İslomi əziz-qramiyə peyğombər(s) Ğıroni ayəon nozili bəpeştə ıştə vəzifəon bə vırə rosneyədə məsuliyyət hiss kardeydəbe və bın royədə bə ziyodə əzob-əziyyəton tov vardey məcburiyyətədə mande və veyə ibodət kardedəbe.anədə bə nımoj mandedəbe ki,çəy lınqon pandomedəbe.ın ayəon bə pəyğombəri(s) yod dənoydə be ki, qırd ın məşəğğət iyən əziyyəton ğəbul nıko.çıro ki,Ğıron Xıdovəndi tərəfiku bətı nozil bıə ta deçəy ayəon vositə Xıdoku tarsə millət çı ğəfləti haniku oğo bıbu və əvoni hidoyətko.

“Və ayə çı Mosə xəbə (sərquzəşt)bətı omə rəsə?çoko ki,otəşış mışohidə karde,çən bəştə xıyzoni voteşe:”tikəy çəşkənən.bə rosti az otəşım vinde.ğasbu(kardey bızınom)çəyku i miğdor bo şımə biyəm ya de (həmonə)otəşi vositə qıləy ro pəydukəm.”(9-10)

Mosə(ə) de Fironi bıə daston,vey ibrətamizə dastone.ım daston çı həxı de botıli miyono bıə keşməkeşi nımunəonkuye ki,tarıxi dırozi hejo mevcud bıə.Kərimə-Ğıroni dastonon komilə surətədə real və həyğiye. demiyən, çı hodisəon zohiri nəğl kardey peştono Kərimə-Ğıron bə bəşəri həmməysə barz iyən aliyə həyğəton omutedə ta əv bəvədə fik-fam iyən təfəkkurko.məsələn,de Fironi yoləşəxəti iyən deçəy koy oxo bəyon kardey,bə tarıxi dırozi bıə təkəbbır iyən şəytoniyə ğudrəton xəbərdorəti doydə ki,ehanə əvon de tuğyon iyən fəsodi məşğul bıbon,harçənd çəvon ixtiyorədə vey zumand iyən mıosirə hərbi təchizoton həm bıbu,əvon ijən çı Xıdo ğudrəti mığobulədə tov vardey əzınin,çəvon hiylə və məkrinə planon həmmə bə puç bebəşe və əvon oxoyədə hukmən məğlub iyən məhf bəbeyn.co tərəfiku bə muminon yod dənoydə ki,əvon tohid, Xıdo dini mıdofiyə kardey iyən de har əsri Firon iyən sehrbozon mıborizə bardey royədə hərəkətkon və çı inhirofə roon mığobilədə oğo iyən zırənq bıbon.

Çın surə məcmuəvari ayəonədə ki,çı həzrəte Mosə(ə) de Bəni-İsrayil iyən Fironi və de fironıjon barədə sıxan votedə,ımoni bə çoqlə baxş təğsım kardey bəbe:

Iminə baxş: Mosə(ə)-i nıbuvvəti sıftə və çı vəhyi bino bıeyku qəp jeydə və de qıləy co iborəti bə de məzpuni pur bıə qıləy