Osmoniyə surəon-77

Osmoniyə surəon-77

Mosə(ə) deştə jimoni həmro iyən fərzəndon çı Mədyəniku bə Misri tərəf hərəkətışon karde.qıləy toyki iyən sardə şəvi əvon roşon qin karde.Mosə(ə) bın fikədə be ki,qıləy otəş pəyduko ta deçəy vositə ıştəni iyən ıştə xıyzoni bıtasbıno.bın əsnadə çəy hamilə bıə jimoni həmro zandey dojış qəte.de hodisəon pur bıə tufoni əvış mıhosirəş kardəbe dəqətəbe.bın zəmon çı diyəroku qıləy otəşi şolə bəçəy çəşi çiye.bəştə xıyzoni voteşe ki,şımə iyo çəşkənən ki,mı diyəroku qıləy otəşım vinde və bışom çəyku i mığdor boşımə biyəm ta şımə deçəy vositə ıştəni qamkon.

Mosə(ə) çə həmonə otəşi tonoku omeyədə,məseşe ki,ikəs bəy jıqo votedə:ha Mosə ha!mı ıştı pərvərdıqorim,ıştə məşoonıştə lınqiku bekə ki,Tuva mığəddəsə sərzəminədəş.Mosə(ə) otəşış çı doy dıləku mışohidəş karde və ım ıştən bımi qıləy ruşinə dəlile ki,ım otəş addiyə otəş nıbe,bəlkəm ilahi nur be.

De “Mı ıştı pərvərdıqorim” bə rufi xoş nıştə kəlmə məsey,həyəcon çı Mosə(ə)-i vucudış qırd eqəte.ım kiye ki,demı sıxan votedə? Im çımı pərvərdıqore,ikəs ki,çı hırdənətiku de tobə ısət mınış bəştə rəhməti ağuşış qətə perosnəşe  və mınış bo qıləy yolə risolət və missiya hozzış kardə.

Mosə(ə) ıştə məşoş ıştə lınqiku bekardeşe.çıro ki,əv ısət bə qıləy mığəddəsə sərzəmini lınqış noə ki,ilahi nur əyo cilvəş pəydu kardə və bəvədə çı pəyğombərəti iyən çı məxloği hidoyəti məsuliyyətış ğəbul karde.

Peşo Xıdovənde-Xalığ hamyeşe:mı tınım bo peyğombərəti vıjnəme.çən,çımı bətı vəhy kardə bıə çiyon tı quş bıdə! çəy bəpeştə Mosə(ə) Xıdovəndi tərəfiku iminə vəhyi kəliməş ğəbul karde:    

Həyğətən,mı Allah(Xıdom).sovə mı co məbud ni.çən,bəmı bandəçəti bıkə iyən mıni bə yod dənoeyro nımoj bıvot.(14).

Bın ayədə çı ənbiya iyən peyğombəron dəvəti prinspi vey muhimmə qılə ki,tohidi məsələy, vahidə Xıdo pərəstış kardey de tohidi do səmərə nomi bəyon bıə və çı həmməysə muhimmə ibodət bıə nımoji əmri dəvomədə omə.

Bədihiye ki,ilahi pəyğombəron boştə risolət iyən ıştə de Xıdo bıə rabitə subut kardero,bə mecuzə ehtiyocişon heste.çımi ğeyri surətədə hakəs pəyğombərəti idddio kardey bəzıne. mumkine ım mecuzə çı dəvət iyən osmoniyə kitobi məzmunədə bıbu ya de co formə bənə hissi iyən cismoniyə mecuzəon.

Mosə(ə) Xıdo tərəfiku nıbuvvəti fərmoni ğəbul kardey bəpeştə bəşəvnəy .Ayə-17-18

(Ha Mosə ha!) əv çiçe ıştı rostə dastədə?(Mosə)voteşe:ım çımı əsoy ki,az bəy ıştəni dəhaştedəm iyən boştə pəson(doon) livəon eşandedəm və ıştə co ehtiyocon deəy bərtərəf kardedəm.Ayə-19-20-21

(Xıdovəndi)bə Mosə hamyeşe!Ha Mosə ha!(ıştə dastə bıə )əso (həvləkə)şodə!(Mosə)əvış ğande.çən,(əso) de surəti fırsiyə qıləy mor be.(Xıdovəndi)hamyeşe:əy peqət və mətars.əmə dərhol əy bəçəy sıftənə holi obəqordınemon.Ayə-22-23

Və ıştə dasti bəştə kəşəbıni ji bobə ta sipyi və hiç qıləy ayb nıbə holədə bıbuy ki,(ım həm botı) co qıləy nışonə bıbu.ta ıştə dıjdə nışonəon bətı nışon bıdəmon.