Təkfiri cərəyon-23

Təkfiri cərəyon-23

İslomi hərəkaton zuhuri amilon və niyyəton qıləyni,çı islomi camiyə navkonə de ısətnə vəzyəti mığoyisəy.de ozazviyə sivilzasiyə pur bıə dəvardəyon iyən navkonə inkişof kardə islomi de ısətnə bə dumo mandə iyən məğlub bıə islomi mığoyisədə vindedəmon ki,ım ko islomi məmləkətonədə məxsusən Misrədə bə radikal,islohiyə hərəkaton bə əməl ome boyis bıə.Misri alimon bə silomi kişvəron behronon reaksiyədə bə islomi təlim iyən erjon tərəf oqardey təklifışon doe və çəvon bə dumo mandey səbəbışon bə dini təlimon peşt qordıney zınəşone.bə həmınə dəlili xoto,zəruriye ki,mısılmınon bəbe bəştə dəvardə soron nəzəkon iyən ıştə  dini erjon bəyjikon.sələfizm iyən sələfiçəti bə ın məno,de co vəhhabi və ya hətto de Hindi ğitə sələfiyon farğ kardedə.zira iyo hiçvaxti bə səhobə,tabeyin və bə tabeyini tabeyinon rəftori istinod bedə nıbe. bəlkəm,murad və məğsəd dini ruf iyən islomi mənbəon be ki,Xıdo kitob iyən sınnətədə zikr bıəbe, ısət de ağli iyən ruji şərayiyi pamuye bedə.de qıləy co iborəti Misri sələfiyon irtico iyən  bə dəvarədyon oqardey nıbe,bə mısılmınon əslə şəxsiyyəti oqardey iyən çı ruji şərayitiku bəhrə bardey be. bəçəy ro hətto ehanə Misri islomçiyon metodi nomi sələfiçəti bınəmon,təbiiye ki,de etığodi sələfiyon ki, çəvon vey muhimmə qılə ki,vəhhabiyə sələfiyonin-əsosinə formədə fərğış heste.de qıləy co zıvoni çı Misri sələfiyon əslə problem islomi hukuməti təşkil kardey iyən islomi dınyoədə inkişof iyən ozavziye roy təbyin kardey be.qıləy holədə ki,çı təkfiri sələfiyon problem qıləy ğiraəti tərvic kardeye ki,bə dini bidət vardey iyən çəyku bənə qıləy əbzori istifodə kardey və ın əndişə tərvic kardeye.Misr iyən co islomi kişvəronədə islomi hərəkaton bə əməl omey iyən çın nəzəriyyə ozaviye koyədə çı İronı jyolə  alim bıə seyd Cəmaləddin Əsədabadiye.Seyd Camaluddin Əsədabadi islomi dınyoəədə məzhəbon bə iyande nez kardey koyədə yolə rolış heste və dini təfkkuri islohəkəyon navəjən be ki,ıştə qırd cəhdonış bo islomi dınyo i kardey iyən vəhdətiro oko dodyəbe.əv harçənd Misrədə moəku bıənıbe iyən əyo təlimış vində nıbe,əmmo 9 sor Misri Ələzhər universtetədə  de tədrisi ko məşğul be və kardeyış zıne çı dini islohi əndişə təməli bıno.əv ,bın kırtə mıddətədə şoqirdonış perosneşe ki,peşonə devrəonədə çı Misri inğılobi iyən islohi əndişə bə əməl omeyədə muhimmə rolışon ifo kardə.Seyd Camaluddini bo islomi dınyo bəpe bardero bıə metod,bə rostə islomi tərəf və daxili fitrəti tərəf oqardey iyən çı harcurnə xorafat və bidətiku bə diyəro mandey be.bə həmınə səbəbi xoto əv,ıştə əsəron veyniyədə çı mısılmınon ağli iyən coni cəhəto oğoəti tələb kardedə və ya çı Avropə iyən ğərbi mədəniyyəti mığobilədə bəştə bovə kardey be.

Seyd Camaluddin Əsədabadi bə mıxtəlifə kişvəron bıə səfəron,çəy bo islomi dınyo vəhdəti ro iyən bo islomi əndişəon bəyji kardero və harcurnə təəssıb iyən xorafati vəy qətero bıə qıləy islohəkə nəzəş hestebe.binobərin,bə Seyd Camaluddini əndişə harçənd sələfiyə əndişə nomışon noə,əmmo de umumi sələfizmi komilə surətədə tafutış heste.çı Seyd Camaluddin Asadabadi əndişəon təhğıği əhəmiyyəti zəruri kardə çi,ın həyğəte ki,çı Misri sələfi əndişə ibaxş çəy şoqirdon təbyinışon kardə.Muhəmməd Əbdu çı Seyd Camali şoqirdonku qıləyni be ki,bə Misri muftiyəti məğam və dərəcə həm rəsəbe.Seyd Camaluddin Əsədabadi  təfəkkur iyən əndişəon bə Məhəmməd Əbdu ziyodə təsironış noəbe.şeyx Məhəmməd Əbdu bə de inğıobi təfəkkuri hərkət kardə Seyd Camaluddini əks bə islohi metodi təkid kardedəbe..