Osmoniyə surəon-78

Osmoniyə surəon-78

Bə həzrəte Mosə(ə)-i doə bıə mecuzəon bəpeştə,bə ə hzərəti qıləy dıjdə risolət aspardey  be. həyğətədə,çı həzrəte Mosə(ə)-i hərəkəti sıftənə noxtə  ilahi fərmoni bə rujoqori həmməysə vey zumand iyən həmməysə vey xətomandə fərdi rosney be.joqo ki,hamyedə:

(Ha Mosə ha!) bə Fironi tərəf hərəkətkə ki,əv tuğyonış kardə.

Həyğətədə ın ım mesaji rosnedə ki,bo camiyə həmmə tərəfinə islohiro bəbe çı kufr iyən fəsodi yolonku binoko.Xıdovəndi ım fərmon nışon doydə ki,çı ənbiya iyən peyğombəron iminə dərəcədə bıə hədəf,de tağut və yoləşəxə rejimon  mıborizə bardey bıə.

Əmmo çun çı barzə məğami soyb bıə rəhbəron aliyə ruf,zumandə ağl,istiğamət iyən ziyodə səbrışon bıə,əve  Mosə(ə) ıştə zıvonış de dıvo ojış karde və Xıdovəndiku çəy koon hoston problemon həll kardey iyən çəy zıvoni anqıli oj kardeyış tələb karde ta millət çəy sıxanon çok-çoki dərəson.əv həmçinin tələbış karde ki,Xıdovənd çəy bo Haruni çəy canaişin ğərol bıdo ta deçəy vositə çəy peşt ğoym bıbu.Xıdovəndi həən çə hzərəti dıvoonış ğəbul karde və Taha mıborəkə surə 36-ə ayədə hamyedə: ).(Xıdovəndi) ha Mosə ha!:həyğətən,tı çiçı tələb karde,əv bətı doey be.

Taha mıborəkə surə 37-38-ə ayəonədə Xıdovənd bə həzrəte Mosə(ə)-i dastoni dəvomi işorə kardedə ki,ım bəçəy hırdənəti devroni iyən çı fironıjon çənqaliku mecuzəvi surətədə perəxey işorə kardedə.

“Və bə rosti əmə çımi bənav bətı(nemət)ehson kardemone.bə zəmon ki,bəştı mo ilhom bıə çi vəhy kardemone”.