Təkfiri cərəyonon

Təkfiri cərəyonon

Həlbəttə çı “İxvanul-Muslimini” fəaliyyəti mahiyyət iyən metod mıxtəlifə kişvəronədə de iyande ziyodə farğ kardedə.bə İxvani hərəkati inkişofi boyis bıə çi,çı ərəbon de pesoxtə bıə seonist rejimi miyono bıə canq be.çanədə ki,çı pesoxtə bıə seonist rejimi mığobilədə ərəbon nokom mandey ziyod bedəbe,ixvani nufuz və inkişof həm vey bedəbe.bə həmonə dəlili xoto,çı İxvani səbarzəti pik hədd 1967-ə sori  be ki, ərəbon ləşkəri  de ərəbə nasyonalzimi şuari bə israyli canq şıəbin,dəboxtoşone və İxvan çı ərəbon de israyli canqi çı islomi de yəhudiyon mıhoribə zıneydəbin və çı ərəbon dəboxtey amili həm çəvon çı islomiku bə diyəro bıey hisob kardedəbin.

Ğəzzali  çı “İxavnul-Musimini” yolə rəhbəronkuye ki,çı ərəbon bə israyli məğlub bıey dəlilon barədə jıqo voteydə:”israylıjon kardey əzınin ıştə kişvəri nomi “Yəhudi Respublikə” və ya çı “Sosyalistə Yəhudiyon İttifoği”  bınon.çoko ki,çəvon hamsuyə ərəbə məmləkəton  nomon de bə vırə hakim bıə aylə nomon noey bıə.məsələn,”Haşımi İordaniyə” ya Səudiyyə Ərəbıston”.əmmo əvon çə nomışon İsrail noe ki,ım çı çəvon bəştə din iyən mənəvic irson bıə məhəbbət iyən çəvon bəştə mığəddəsə çiyon bıə ehtıromi nışon doydə”.

İxvanul-Mislimini sələfiyə mahiyyət,dini bıə,nəin ki, sektarizm iyən bə mısılmınon zidd.İxvani əndişə əsosi seqlə əsl ya prinsipədə xulosə kardey bəbe.sıftənə əsl hartərəifinə komil iyən soxtemoni  islom və çı bə dınyo omeyku de tobə  oxonə nəfəsi  bo insoni qıləy bərnoməş hozzı kardə.

Dıminə prinsip-islom dıqlə mənbə dıləku xaric bıə və bəçəy əsos ğoyme:qıləyni kitob iyən coqləyni nəbəviyə sınnət.bə seminə prinsipi əsos,islom bə qırd zəmon iyən məkonon ayid bedə.çı “İxavaul-Muslmi”ideloji prinsip komilə surətədə de irtico iyən vəhhabiyə sələfiyon ziddiyyət təşkil doydə.jıqo nev nəzə çı sələfiyon orijinaləti dini mənbə cəhəto ğəbul kardedənin iyən zəmon və məkoni cəhəto iştihodi ğəbul kardedən.”İxvanul-Muslimin” islomi co fırğəon ıştə deşmın zıneydənin,bəlkəm çəvon deşmınəti tijə tərəf bə  islomi xarici deşmınon tərəfe.”İxvanul-Musllimin” harçənd çı Həsən Əlbəna rəhbərəti zəmonədə çı islahat iyən qıləy sulhamizə roş qətəbe,əmmo çəy kıştey bəpeştə və çı Seyd Ğutbi vaxti bə inğılobi formə həm dəşin.həlbəttə,”İxvan” ıştə siyosi fəaliyyəti zəmonədə məxsusən çı Ənvər Sadati terror kardey bədiqə,cəhdışon karde ta hakim bıə sistemi çərçivədə  və de məhdudiyyəton iyən deçəvon kali qıləyni həbsi bə ico,əvon bəştə siyosi fəaliyyəti  dəvom bıdon.

2011-əsori fevrali 11 inğılob bo İxvani qıləy vey surpriz be.Misri cıvonon çı “İxvanul-Mislimisə” vey bənav bo Husni Mubarəki hukuməti ğandero hərkətışon karde.de təəssıfi “İxvanul-Muslimin” çı 11 fevral inğılobi bəpeştə bə dast vardə mevğıyyəti xoto çın siyosi cərəyoni təsisəkəyon təlimonku xeyli bə diyəro mandin.əvon ıştə de seoinst rejim iyən Ərəbıstonədə bıə vəhhabiyon mınosibətonışon elon nıkardeşone.bərəks,səy kardeşone de seonist rejim iyən təkfiri iyən terroristə vəhhabiyon çokə dustə rabitəon bərpokon.Məhəmməd Mursi   prezdendəti səçıni bədiqə de seonist rejimi dustəti kardey mesajış bə Tel-Aviv vığandeşe.Mursi ıştə iminə xarici səfəş de Səudiyyə Ərəbıstoni binoş karde və kral Əbdullah vindemonış karde.ım qıləy holədə be ki,Seonist rejim iyən Ali-Səud çı “İxvanul-Muslimini” dıqlə kanə deşmıən bin və əvon bo Husni Mubarəki hukuməti peqordıney vəy qıteyro ıştə dasto omə har qıləy koşon əncom doe.əvon 2011-ə sori fevrali 11 inğıobi bəpeştə həm bo Misri cıvonon kardə inğılobi məğlub kardey iyən inhirof kardero ıştə dasto omə bə har qıləy ko dastışon ğande.Məhəmməd Mursi iyən İxvanul-Muslimin çə kəsonku zərbəşon harde ki,deəvon dust bıey dumo bin.seonist rejim iyən Ali-Səud bə Misri hərbiçiyon,sekular iyən anti dinə odəmon de harcurnə koməkon ısət  çı madii,siyosi ya təbliğatiyə koməkon bıbu,Misri məxloği ın inğılobışon de məğlubiyyəti dimbədim haşteşone.Məhəmməd Mursi isornə ğudrəti bəpeştə de çandə daqlə ixavnul-muslimini co rəhbəron bə ico bə həbsxonə şodey be və çəvon siyosi fəaliyyət ğədəğən be.İxvanul-Muslimin bo Misri camaati problemon həll kardero nıbə deştə nodırıst iyən beplanə ğərolon bekardey,ıştə i umrnə nailiyyət və siyosi təcrubə iyən Misri cıvonon inğılobışon bə bod doşone.