Osmoniyə surəon-111

Osmoniyə surəon-111

Ənkəbuti mıborəkə surə Kərimə-Ğıroni visti nəvminə surəy,Məkkədə nozil bıə və 69 qılə ayəku iborəte.çın surə 41-ə ayədə şırki soxtemon iyən bina bənə Ənkəbut ya korətəni lonə hisob kardedə və əy qıləy sıst və zəyifə lonə zıneydə.bə həmonə dəlili xoto,bə ın surə Ənkəbut  nom noey bıə.bın surədə bə bənə imon,bəşəri vəzifə,ilahi imtovon,çı ənbiya iyən peyğombəron sərquzəşton və bə ğərəz Xıdo cokəson təkyə kardey barədə mətləbon bəyon bıə.

 Əlif-Lam-Mim-Ayə millət fik kardeşone ki, çun voteşone: imon vardemone, ozod vadoey bəbeyn və həni imtovon nibəbeyn?

Ənkəbuti mıborəkə surə sıftənə ayəon ilahi imtovon iyən ıştə imonədə sadığ bıə iyən nbıə kəson vəzyəti ruşin iyən oşko bıey barədəy.ın ayəon bə bəşəri jimoni muhimmə məsələonku qıləyni ki,həmonə şiddətinə vaxton iyən ilahi imtovone,işorə kardedə və hamyedə:aya məxloğ qımon kardedən ki,bə əndozə iyən mığdorədə ki,imon izhor kardeçone və və bə tohid iyən peyğombəri risoləti şoydəti kardeşone ,həni ənon bəçəvon ıştən holi vadoey bəbe və imtovon nibəbeyn?.

Imtovon ilahi dayimiyə adət və ğanune ki,bə navkonə qırd etnoson şomil bıə.həlbəttə,ım imtovonon bo Xıdovəndi ıştə bandəon imoniku xəbədo bıey mənoədə ni.çoko ki,çın surə 11-ə ayədə de ojə-oşkoə holəti elon kardedə ki,yəğınən və beşək Xıdovənd muminon iyən mınofiğon zıneydə.çın imtovonon əsliyə hədəf çı bəşəri ləyoğət iyən istedodon perosneye.çın imtovonon cərəyonədə inson ıştəni çok zıneydə və bəştə etıqod iyən imoni bıə mığdori mığoyisə kardedə. Mısibət iyən rencon,bə xoş nıomə hodisəon,canqon.ğəhəti iyən bohoçəti,fəğət bəştə fik bıə zolımə hukuməton.şəhvət iyən həvaye-nəfsi zumandə ləpəon və qırd ımon bo bəşəri imtovon kardero bıə vositəonin və bın saxtiyonədə çı fərdon həyğiyə imon  mıəyyən beedə.de qıləy co bəyoni etat-petaton iyən mıxtəlifə holəton,insoni əsliyə zot oşko iyən çəy istedonon zizə oj kardedə.həlbəttə,bın miyono fərdon hestin ki,çəvon imon fəğət ləfzi iyən zıvoniye  və çəvon ğəlbi iyən dıləsoxtə imonışon ni.muminon hejo sabit iyən i formədə bıə şəxsonin. əmmo mınofiğon ğeyri-sabit iyən fırsət tələbə fərdonin.əvon muminon səbarz iyən ğalib omeyədə,ıştəni bə muminon səf və restə jeydən ta çın səbarzəti noiliyyət və ğənimətonku qıləy bəhrəşon bıbu. Kərimə-Ğıron jıqo fərdon xısləton abrədə jıqo hamyedə:

“Məxloği kali qılə(de zıvoni) votedən: bə Xıdo imon vardemone. çən, hafaxti Xıdo royədə qıləy əzob-əziyyət bıvindon, milləti əzob-əziyyəti Xıdo əzobi unvanədə ğərol bədoyn və əgər ıştı pərvərdıqoriku qıləy koməq bırəso, de təkidi votedən: əmə deşmə bimon. ayə Xıdo bə aləmon dılonku dəvardə çiyon vey aqah ni?” -10.

Məkkədə sakin bıə kali fərdon imonışon vardə iyən islomışon ğəbul kardəbe.çəvon inə və moon çın macəraku xəbədo beyədə bə ğərol omin ki,xorək nıhon iyən ov penışomon ta çəvon fərzəndon çı islomi ayiniku dast bıkəşon.həlbəttə,çın inəonku hiç qıləyni ıştə ğərolonsə nımandin və ıştə xorək nıhardey aksiyəşon darışte.bın barədə Ənkəbuti mıborəkə surə 8-ə ayə nozil be və de jıqo pı-mo min cumlə de mışrikə valideyni rəftori keyfiyyətış nışon doe.