Osmoniyə surəon-113

Osmoniyə surəon-113

Lut(ə) iyən çəy  ğovmi dastoni bəpeştə Ənkəbuti mıborəkə surə bənə Şueyb,Səmudi co ğovmon, həmçinin bənə Fironi və co milləton zikr kardedə ki,çəvon har qıləyni bə ilahi əzobi dıço be.ayəon bəçəvon bə siyuə ruj mandey əsliyə dəlili işorə kardedə və hamyedə:şəyton çəvon əməlonış boəvon dərsoteşe və əvonış çı Xıdo royku kardeşe.Firon iyən Haman har qıləyni şəytoniyə ğudrət iyən hukuməti barizə nışonənku bin,əmmo çəvonku hiç qıləyni Xıdoku bə nav dəşe nızınin iyən ilahi əzobiku vitey nızıneşone.

Ənkəbuti mıborəkə surə  40-ə ayə təkid kardedə ki,qırd ım əzobon çəvon ıştən kardə əməlon məhsule və çəy donə həm əvon ıştən kaştə.joqoki,hamyedə: Xıdovənd hiçvaxti bəvon sıtəm nıkardeşe,əmmo əvon ıştən bəştə zılm kardeşone.

Xıdovənde-Aləm çı zolım iyən inodkorə mışrik iyən yoləşəxə şəxson dardnok iyən ğəməngizə tale bəyoni bədiqə, Ənkəburi mıborəkə surə 41-ə ayədə bo ğərəz Xıdo co məbudon dumo şıə iyən bəvon təkyə kardə kəson  odəmi  dığğəti  cəlbəkə qıləy  misol jeydə və hamyedə: “Ğərəz Xıdo cokəson boştə movla(əğə) vıjniyə kəson, çəvon misol bənə korətəni misoloye ki,(boştə kə soxtən). və beşək vey sıstə(lırə) kə, korətəni soxtə kəy, ehanə zıneyşonbe”.

Çı ğəşənq və cazibədorə təşbihe.əmə zınedəmon ki,har qıləy heyvon və həşərot boştə qıly lonə və kə soxteydə. əmmo çın kəonku hiç qıləyni bənə korətəni lonə sıst və zəyif ni.har qıləy kə bəbe divo iyən kumış bıbu  və çəy soyb əy curbəcurə hodisəonku oqəteydə.əmmo çı korətəni lonə çandə qılə vey nozıkə toiku soxtə bıə və nə qıləy bə və divoş heste və həm qıləy bonəkulə.çımisə əlovə çəy lonə ləvozimoton həm sıst iyən zəyife və çı hodisəon vədə mığovimət nışon doey zıneydəni.ehanə qıləy mıloyimə nəsim və vavaz bıqıno,çəy tor və rişə byənde bəje bəbarde və ehanə çandə ğətrə voşi ov çəy sape ru bıbo,əy volo bəkarde bənoe.

Ənkəbut və korətəni kə bə coqlə heyvon iyən həşəroton mığoyisədə,benəhoyətə dərəcədə  sıst iyə lıre. sıvoy Xıdo bə cokəson təkyə kardə iyən co məbud vıjniyə kəson,həyğətədə bə korətəni tori yəni bə qıləy vey zəyif iyən lırə vırə təkyəşon kardə .çəvon təkyə kardə vırə vey zəyif iyən çı hodisəon mığobilədə etımod kardənin ni.əmmo,bə imon iyən Xıdo təvəkkul iyən təkyə kardə kəson,bə qıləy ğoym iyən mhekəmə səddi təkyəşon kardə ki,bəvədə hiç qıləy sıstəti və zəyifətiş mevcud ni.

Ənkəbuti mıborəkə surə ayəon dəvomədə,qıləy hartərəfin iyən kulliyə ğanunış tərsimış kardə kəşə və pəyğombəronkuş piyedə ki,de Kərimə-Ğıroni tilovəti iyən nımoji bərpo kardey ko məşğul bıbon.” (Ha pəyğombər ha!) Çı(osmoniyə)  kitobiku bətı vəhy bıə çiyon tilovətkə və nımoji bərpokə ki, həyğətən, nımoj(insoni) çı yavə və bə xoş nıomə koonku oqəteydə və beşək Xıdo zikr vey yole(vey barze) və Xıdovənd şımə kardə koon zıneydə”.45

Çun nımoji təbyət jıqoye ki,bə insoni yod əy oqətə amil yəni məbdə iyən miadi dənoydə.əve çı yavə və bevəcə koon mığobilədə çəy vey zumandə təsirış heste.qıləy inson ki, nımoj voteydə və təkbir voteydə yəni Xıdovəndi çı har çisə barz və bəpe hisob kardedə,çəy neməton bəştə yod dənoydə və bəy həmd iyən şık kardedə və əy deçəy Rəhmon iyən Rəhimə sıfəton sıtoyiş kardedə.inson nımojədə ğıyoməti ruji bəştə yod dənoydə,bəştə bandə bıey etırof kardedə  və Xıdoku komək tələb kardedə iyən bəçəy ğəzəbi dıço bıə iyən bə zəlolət eqıniyə kəson royku  bə Xıdo tərəf dəvitedə.(Həmdi mıborəkə surə məzmun).

Beşək jıqo qıləy insoni ruf iyə ğəlbədə bə həx iyən pokəti tərəf qıləy daxili hərəkət və lıvemon bə əməl omeydə və nəticədə çı mənəviyyatiku qıləy ləpə icod bedə.qıləy ləpə ki,çı qınoon vədə bənə qıləy zumandə səddiye...