Əsri mığovilə plan-3
Əsri mığovilə plan
Fələstin,əsri mığovilə həmməysə vey muhimmə aktyore ki,deçəy coğrafiya,şəxsiyyət iyən tarıxi qıləy mıstəğim iyən sərostə rabitəş heste.həyğətədə,Fələstin çın əsri mığovilə palni dəboxtə və məğlub bıə kəsonkuye.Fələstıni Ozodi baxş kardə təşkiloti icraiyyə komitə rəyis,Sayib Əriğan bın Amerkə icod kardə plani həxədə votedə:”ın plan Ğuds şəhəri de seonist rejimi poytəxti nomi və Amerkə səfərotxonə çı Telaviviku bə Ğudsi şəhri ovoştıney bəbe və Ğudsi məsələ jıləvoni bə oxo bərəse və ğərole Amerkə devlət Ğudsi ətrofədə qıləy məntəğə de Fələstıni poytaxti nomi təklif doey bıə ki,çandə kilometr 1947-ə sori işğal bıə əraziku diyəroədə bəbe.bın planədə Donald Tramp de yəhudi nıştə qədə şəhron bə İsrayli ilhoğ bıey rozi bıə.Netanyahu İordan ru kəno 15 fayiz bə İsrayli dəçokne təklifış doəbe.əmmo Tramp de 10 fayizi rozi və mıvofiğ be və ğərole Amerkə devlət ımi bo Fələstin iyən seonist rejimi”qıləy mıştərəkə əmniyyəti məfhumi” çı sulhi şərikon nomi nışon doydə ki,ım qıləy Fələstıni devləti təşkiliku xəbə doydə ki,əmniyyəti baxşədə əvon bə hiç qıləy silohi soyb nıbə holədə de bənə Amerkə,İordaniyə,Misr və piyə məmləkəton iştirokiku iborət beynəl-xalğ polis ğıvvon dı tərəfinə regional iyən beynəl-xalğ səviyyədə bəbe və israyli hərbi ğıvvon həm İordan ru dırozi və mərkəzi bandon əmniyyəti təmin kardey məsuliyyətışon bəbe.
Amerkə bo Fələstınıjon de əsri mığovilə plani mıxolifət kardeyku bə kam kardero,çı Fələstınıjon mığobilədə bumərişə siyosətiku oko doydə.bə ın əsos bın planədə Ğəzzə ijən sənibəton soxtey və təmir kardey iyən bın tanqə vırədə insoniyə behroni bə oxo rosney təklif doey bıə.
De ın holi çın plani məzmun nışon doydə ki,bənə Ğudsi kali sərzəmini çı dasto doey,Fələstıni tarıx iyən hoviyyət və şəxsiyyəti çı dasto doeye.bımi əsos,bə nəzə rəseydə ki,çı əsri mığovilə həxədə Fələstın Moxtar təşkiloti de Fələstıni mığovimət dastə miyono umumi surətədə iqlə nəzə heste və Fələstıni siyosiə səhnədə əsliyə rolışon bıə ın dıqlə aktyoron de ın plani mıxolifin.Saleh Ənnani Ğətəri”Ələribiyyi-cədid” rujnomədə nəşr kardə təhlilədəjıqoş nıvıştə: ”ruşine ki,Fələstıni Moxtar Təşkilot ya Fələstıni co təşkiloton çın plani icroiyyə şərik bıey əzınin ki,çəy bəndon bə fələstıni milli məsələ məhf kardey əsose.bın cəhətədə Fələstıni Moxtar onemon çı Amerkə səfərotxonə 2018-ə sori maya manqiku işğal bıə sərzəminədə Telaviviku bə Ğudsi ovoştıney bəpeştə.ıştə de Amerkə rabitəonış qırd bırniye.....
