Osmoniyə surəon-122
Osmoniyə surəon-122
De ərəbi yolə ğəhrəmoni kıştey,bə deşmıni ləşkəri qıləy dıjdə zərbə varid be və əvon rufi iyən psixoloji cəhəto zəyif bin mandin.co amilon həm bə mısılmınon komək ome.hanqomi vaxti qıləy tınd iyən sardə tufon de Xıdo əmri rost be və çı deşmıni xeyməonış qırd voloş karde.qıləy şiddətin və dəhşətinə tars bəçəvon dılon dəşe və ğeybiyə mələkon ğıvvon həm bə mısılmınon komək ome. Nəticədə kufri ğərorqo vırto-voli be və əvon dimışon qəte bo vite.
Əhzabi canq islomi tarıxi həmməysə muhimmə qıləyni bə hisob omeydə.joqo ki,çı zu tarazış bə mısılmınon xeyri əvəzış karde və ın səbarzəti bo peşonə ğələbon qıləy kilid be.
Əhzabi canq bo həmməkəsi qıləy dıjdə imtovon be.Əhzabi mıborəkə surə ayəon bə çın canqədə bıə mıxtəlifə dastəon mevğıyyəti işorə kardedə.rostə muminon,imonışon zəyif bıə fərdon iyən mınofiğon har qıləyni qıləy məxsusə funksiya iyən əməlışon hestebe. Çoko ki,canq bino be,rostə muminon de Xıdo-Rəsuli(s)bə ico de kofiron canq kardey xoto,hozzı bin.əmmo,mınofiğon çokonə rəftorışon karde? Əhzabi mıborəkə surə 12-ə ayədə hamyedə:
“Və bə zəmon mınofiğon iyən çəvon dılonədə noxəşəti bıə kəson voteydəbin: Xıdovənd iyən çəy pəyğombər ğərəz duyəvıjə və`də bəmə co və`də doydəni.”-12
Əvon bə Mədinə camaati voteşone ki,çı deşmıni ziyodə dastə mığobilədə hiç qıləy çi karde nibəzıniyon və ıştəni iyən ıştə jen-əğıli çı mə`rəkəku peroxnon iyən çın şəhriku xarickon beşon bışon.çın mınofiğonku i dastə çı peyğombəriku icozə seşone ki,oqardon bəştə kə-bə və boştə oqardero uzrxahəti kardeşone.əvon voteşone:çəmə kə-bəon dırıstə bə iyən divoşon ni.əvon fəğət çı səhnəku vitey dumo bin.
Ayə bə peyğombər(s)-i xitob kardə holədə hamyedə:bəvon vuji ehanə çı maq iyən kışteyku fərol bıkon,çımi boşımə hiç qıləy foydəş nibəbe və şımə dınyo jimonədə çandə qılə rujisə vey bəhrə nibəbardiyon.əgər şımə hətmiyə maq və əcəl omə rəsəbu,şımə bəmardiyo.ne,ehanə şımə əcəl rəsənibu,jəqodə şımə çandə ruj de zıllət və xarəti bın dınyo jimonədə bəmandiyon.
Peşo bə mınofiğonku idastə işorə kardedə ki,çı caqni meydononku fərol kardəşone və zəyifə imoni soybonku həm dəvət kardedən çın canqiku bə kəno bımandon.əvon votedəbin ki,çəmə dumo boənən və mə`rəkəku ıştə coni bıroxnon.
Ayəon çı mınofiğon sıfəton vəsfədə votedəbin:çoko ki,həmonə tarsnokə ləzə və an bə meydon ome və vəzyət kritik iyə behroni be,jıqo tarseydəbin və bətı jıqo erəxeydəbin,qıləy holədə ki,çəvon çəşon ıştə hədəğə iyən qılədə qardedəbe.bənə ə şəxsi ki,jıqo bızın əvon con doə holədən.əmmo,çoko tufon nışte və tarsi holət bərtərəf be və çı miyoniku şe və əvon bənə tələbkor iyən ıştə ğarzi tələb kardə kəson zikkməvulə jeydəbin və de hozi iyən qonə sıxanon çı bə dast omə ğənimətonku ıştə səhmi tələb kardedəbin.
