Imom Cavad(ə)-i şəhodət

Imom Cavad(ə)-i şəhodət

Iruj Əbbosi xəlifə Məmun qıləy məntəğəku dəvardedəbe.i dastə hırdənonış vinde ki,kuçədə hənək kardedəbin.əvon çoko ki,çı Məmuni podşoəti asb və kəcovəşon vinde tarsin və binoşon karde bo vite.fəğət iqlə əğıl ıştə vırədə mande və nıvite.Məmun  çəy palu ome və dəparseşe: çıro tı bənə co hırdənon nıvitiş,fərol nıkarde və çəmə roy səpe mandiş?

Həmonə hırdən de şucoəti cəvovış doe: az bə qıləy qıno mırtəkibbıənim ki,çəy cəzo tarsiku fərolkom? Çı xəlifə rom həm tanqım kardəni ki,əy hevujkəm.ıştı dıli çı konco piyədeşe,çəyu həm bışi.Məmun ki,çın hırdəni ğəvi iyən həxə sıxanon məseyədə vey təəccıbış karde və dəparseşe:tı kiş? Həmonə əğıli cəvobış doe:”Ml Muhəmməd ibn Əli ibn Huseyn ibn Əli ibn Talıbi(ə)-im.

Məmuni xəbəş se ki,tı çanədə çı elm iyən zıneyku xəbədoş?

İmom Cəvod(ə)osmoniyə elmon iyən məlumaton mıku dəpars! Məmuni deəy Xıdohafizi kardeşe co be və bəştə royış dəvom doe.çəy qıləy şikorəkə şahinış hestebe ki,səfəon zəmonədə çəy fiki oqəteydəbe.çoko ki,çı həmonə əğıliku bə diyəro be,ıştə neçivonə pərəndəş bo şikoriro vadoşe. həmonə şahin de surəti bə osmonon pəre və çandə ləzə dənıvarde ki,əv ıştə tıkədə de qıləy hələ nımardə və bəyji bıə qədə moy oqarde.Məmuni həmonə moyış peqəte və bə hırdənon hənək kardə həmonə vırə tərəf hərəkətış karde.çoko ki,əv bə hırdənon hənək kardə vırə rəse, ijən qırd həmonə hırdənon volo-volo bin və fəğət İmom Cəvad(ə) əyo mande. Məmuni çə həzrətiku dəparseşe:ha Muhəmməd ha!çımı dastədə çiçe?hamyeşe:ha xəlifə ha!çımı pı ıştə pıku və əvon həm Xıdo-Rəsuliku(s) və həzrət həm de Cəbrəyil(ə)-i vositə aləmon pərvərdıqor bıə Xıdoku  nəğlış kardə:”Xıdovənde-Aləmi dıyoonış ofəyəşe ki,çə həmonə dıyoonku ovi buxar rost bedə və  dıyo jiyədə bıə moyon deştə bə osmon bardedə və ğoymə avəon təşkil doydə. podşoon ıştə şahinon bo şikori xoto bə osmonon vığandedən və əvon jiyədə bıə moyon şikor kardedən və çı podşoon palu vardedən.podşoon həm əvoni bəştə dast qətedən və cəhd kardedən ta deçəy vositə nıbuvvət iyən peyğombəri(s) canişini sulolə imtovon kardedən?”.

Məmun ki,çı nıbuvvət iyən imoməti sulolə ağılmandə məntığ və benəhoyətə elmiku bə şiddətinə çoçinəti dıço bıəbe,deməkə ki,ıştə dıliku rozi nıbe,əmmo bə İmom Cəvod(ə)-i tərif kardə holədə voteşe:tı rostı vote iyən ıştı əbo-əjdod və ıştı pərvərdıqori həm sadığonə sıxanışon kardə.