Təkfiri cərəyonon
Təkfiri cərəyonon
Dər`iyə əmir bo dıqlə xıyzoni miyono rabitəon ğoym kardero,Məhəmməd ibn Əbulvahabi kinəş boştə zoə yəni bo Əbduləzizi seşe və de ın ro çı dıqlə aylə miyono qıləy rabitə bərpo be ki, de tobə ısət həm ın rabitə hevujə surətədə mevcude.`çın əhd-peymoni bəpeştə,Məhəmməd ibn Əbdulvahabi bə Nəcdi qırd ğəbilə və toyfəon noməş nıvışte və çəvonku çəy vardə məzhəbi ğəbul kardeyış tələb karde.kali ğəbiləon bəçəy dəvəti pemandin və bəzi qıləyni həm etıno nıkardeşone.Vəhhabi şeyx de Səudiyyə sulolə koməkon vositə peşo de bə kufr,şırk iyən bidət noə kəson ələyh cihodi nomi, qıləy ləşkərış təşkil doe və bə mısılmınon ələyh ğıyomış karde və de bə mısılmon nıştə şəhr iyən diyon həmlə kardey,çəvrə odəmonışon həmlə ğətlı-am kardeşone və çəvon mol-əmvolışon de canqi ğəniməton nomi ğarətışon karde.de ın tərtibi vəhhabiyyəti frığə və məzhəb bə əməl ome.əmmo,ımi həm votey lozıme ki,çəvon canq kardə insonon Lailahə illəllah və Muhəmmədən Rəsulullah votə mısılmonon bin və əvon hejo Xıdo zikr kardedəbin iyən de ibodəti məşğul bin iyən ilahi fərizə və vocibaton bə vırə rosneydəbin. Məhəmməd ibn Əbdulvahab ıştə”Kəşfuş-Şubəhat” risolədə çandə kərə bə mısılmınon mışrik, kofir, bıtpərəst.mırtəd,mınofiğ,tohidi inkorəkə,tohidi deşmın,Xıdo deşmın,əhle-botıl, nodon, mışrikon iyən bıtpərəston nomış noə.əv votedə ki,çəmə zəmonə mışrikon yəni mısılmınon çı dəvardə mışrikon iyən bıtpərəstonku vey ğəlizin.çun,dəvardə mıırikon rifohi holədə şırk kardedəbin və bə bəlo dıço beyədə ixlosin bedəbin.əmmo çəmə zəmonə mışrikon har dıqlə holətədə bo Xıdo şərik ğərol doydən.çı vəhhabiyon vey muhimmə sıxanon təkyə iyən tikror kardə çi çoqləy:kufr,şırk,kizb iyən bidət.ehanə ikəs çəvon fəğət kufr iyən şırki kəlmə qırdəko,çı kufr iyən şırki sıxaniku iborət qıləy kitob cəm kardey bəbe.har vırədə ki,mısılmınon bəçəvon şubhəon de zuçmandə dəlili iyən rəvoyəti cəvob doydəbin,əvon de istidloli cəvob doey əvəiz,fəğət “kizb” ya kize sıxaniku oko doydəbin.əvon har qıləy rəvoyət ki,deçəvon əğedə mıtobiğ nıbe,təkzib kardedəbin.mılxəs,vəhhabiyon ıştə hışk,beməzmun iyən ekstremental əğedəon dumo bin,ıştəni fəğət mısılmıon zınedəbin və co dastə mısılmınon kofir iyən mışrik hisob kardedəbin.bəçəy xoto əvon çə mısılmınon mol-əmvoli de canqi ğəniməti unvani boştə peqəteydəbin.umumən,çı Məhəmməd ibn Əbdulvahabi de Məhəmməd ibn Səudi rabitə,boçəvon har dıqlyəni mıştərəkə mənfəətonış bə ərməğon vardeşe.itərəfo İbn Əbdulvahab de mısılmınon əğedə mıborizə bardeyış ıştə hədəfış vıjniye və co tərəfiku həm İbn Səud boştə ğudrəti dayirə hevuj kardero çın şərayitiku istifodəş karde.iyo odəmi dığğəti cəlb kardə çi,marz iyən hədd-hududon dəğiğə formədə təğsım kardeye. Joqo ki,çı həmonə sıftəku din iyən diyonəti koon çı Məhəmməd ibn Əbdulvahabi dastədə be və bəçəy xıyzoni”Ali-Şeyx” və hukumət iyən siyosəti koon həm çı Məhəmməd ibn Səudi dastədə be və bəçəy xanedani həm “Ali-Səud” nomışon noe.çı vəhhabiyyəti məktəbi ko və funksiyə bo bo Ali-Səudi podşoəti nizomi qıləy legitiməti və məşruiyyət baxş kardey və Ali-Səud həm bo Ali-Şeyxi bo ın ideya tərfic kardero lozım bıə qudrət iyən əmniyyəti təşkil kardedə.
