Osmoniyə surəon-127

Osmoniyə surəon-127

Səba mıborəkə surə 31-32-33-ə ayəon çı ğıyoməti bəzi səhnəon ki,çı cəhəndımi dıqlə dastə mınozirə və debatiku qəp jeydə ta kofiron ıştə koy oxoku xəbədo bıbon.31-ə ayədə bə peyğombəri(s) xitob kardə

holədə hamyedə: “ehanə bıvindoş ə zəmoni ki,ım sıtəmkoron çəvon pərvərdıqori mığobilədə çoko oqətey bəbeyn.qıləy holədə ki,əvon de iyande hese-pes kardedən(və ıştə qıno bə iyande giy şodedən).

 Bın holədə muztəzəfon(zəyif bıə kəson) bə mıstəkbiron yəni bə təkəbbırin iyən şeyton sıfətə şəxson votedən:ehanə şımə bıə nıəbiyon,şımə vəsvəson bıənıəbe,hukmən əmə mumin əbimon və çəvon səfədə əbimon.əvon de ın vositə ıştə qınoon bə mıstəkbiron qiy şobədon.harçənd dınyoədə curət kardey zıneydənibin de əvon de ğətiyyəti sıxankon,əmmo ısət çəvon mığobilədə mandedən və de oşkoə formə de əvon sıxan votedən.

Yoləşəxə iyən mıstəkbiron həm çı mıstəzəf iyən zəyif kardə bıə şəxson cəvobədə votedən: aya əmə şıməmon bəşmə omə hidoyətiku oqətemone? əmə bəşmə kardə koon cəvobdeh nimon. Bəlkəm,şımə ıştən qınokor biyon ki,bəçəmə hədərə sıxanon təslim biyon və bə ənbiya iyən peyğombəron sıxanon quşon nıdoe?

Səhihe ki,mıstəkbir iyən təkəbbırinə fərdon deştə vəsvəson nbə dıjdə qınoon mırtəkib bıən,əmo çəvon ın sıxanonədə ın həyğət mevcude ki,çəvon tərəfdoron bəbe bəvon pemandə nıbin. mustəzəfon bə cəvobi ğane bedənin və ijən votedən ki,bəlkəm şımə bəşəv-bəruj bıə duyə təbliğaton əməşon bə dast dənoe və əmə həm çı hidoyət pəydu kardeyku mandimon.bə zəmon ki,şımə bəmə əmr kardedəbiyon ki,kofir bıbəmon iyən bo Xıdo şərik ğərol bıdəmon.bəle,şımə mığəssiriyon.təbiiye ki,yoləşəxə fərdon hiç qıləy cəvobışon nibəbe.

Liza,har dqılə qrup ıştə kardə koonku peşmon bəbeyn.mıstəkbiron cokəson bə zəlolət eğandeyku və mıstəzəfon həm çəvon vəsvəson ğəbul kardeyku.əmmo,ilahi əzob omə rəsə vaxti,ıştə nədomət iyən peşmonəti niyon bəkardeyn.məbodə rısvo bıbo və əmə bə kofiron gərdədnon zəncir bəjənemon.bə zəmon nəfəson sinəonədə həbs bəbeyn və və zıvonon sıxan voteyku bəmandeyn.

Im çəvon kardə əməlon nəticəy ki,çı naviku hozzı kardəşone.çı kofir iyən qınokoron əməl və rəftoron çı əsorəti zənciri surətədə bəçəvon dast iyən qıyon jıey bəbe.əvon,bın dıənyoədə ıştə həvayi-nəfsi əsir bıən və ğıyoməti ruji həm həmonə əsorəton co qıləy şikilədə zohir bəbe.....