İron,inğılobi çıl sor bəpeştə-7

İron,inğılobi çıl sor bəpeştə-7

İron islom Respublikə hədəfonku qıləyni çı dınyo sultəgər iyən imperiyalistə nizomi mığobilədə mığoviməti fərhənq və mədəniyyəti tərvic kardey bıə.

Iron İslom Respublikə soxtemon ki,ısət bəştə jimoni çılminə sori ğədəmış noə,məzlumon mıdofiyə kardeyış ıştə əsosə ğanunədə ğeydış kardə və ın prisnsipış qırs bın dəvardə soronədə bənə İslomi inğılobi hədəfonku qıləyni oqətəşe.

İron İslom Respublikə xarici siyosətədə bənə “dınyo mustəzəf(məzlumon) və mısılmınon hartərəfinə himoyə”  prinsipış mevcude ki,bə əsosə ğanun iyən konstitusiyə əsose.Əsosə Ğanuni seminə əslədə 16-ə maddədə bə qırd mısılmınon nisbətədə bıvəti iyən dınyo məzlumon hartərəfin himoyə kardey təkid bıə.

154-ə prinsipədə həm oşko ğeyd bıə ki,İron İslom Respublikə eyni holədə ki,bə co milləton daxili koon mıdoxilə kardeydəni,əmmo dınyo har noxtədə de imperiyaliston mıborizə bardə həxtələbə mustəzəf və məzlumon mıborizə himoyə kardedə.

Doktor Seyd Cəlaləddin Mədəni “İron İslom Respublikə əsos iyən siyosi onemonon həxon” kitobədə Əsosə Ğanuni 154-ə muddəa izohədə nvışteydə:çanədə ki,milləton boştə həxon bəyji kardero bə ğərol omənin,çəvon vəzyəti əvəz kardey  imkon ni və havaxti millət ozavziyon və ıştə zay bıə həxon dumo bıbon,bə əvəzon boyis bıbu və İron İslom Respublikə çı əvəzon amil bıə jıqo qıləy inğılobiku himoyə kardey,mıdoxilə bə hisob omeydəni.zira,nizomi ğoym iyən sabit kardey çəvon tələb iyən himoyəku bə şıkrəy və qıləy zəmon ki,millət komək tələbkon,həmonə milləti ıştə həxonku istifodəş kardə,nəin ki,xarici koməkonku..

İron İslom Respublikə  Yolə Rəhbər Həzrəte ayətullah Xameneyi ıştə bəyonatonədə ın himoyəonış çı İron İslom Respublikə ğəti iyən dayimiyə siysoətış hisob kardə və votedən:əmə har vırədə ki, mıdoxiləkəmon, əy oşko votedəmon .əmə bə de israyli ziddiyyətinə ğəziyyəon mıdoxilə kardemone.çəy nəticə həm sivı se rujnə iyən vistı dı rujnə canqi səbarzətiyon be.çımi bəpeştə həm har qıləy vırədə ki,qıləy dastə de seonist rejimi mıborizəko,əmə çəvon peştonomon bə bəvon komək bəkardemone və çın sıxani voteyku hiç qıləy tarsımon həm ni.

İron İslom Respublikə soxtemoni nəzəku ki,bə dini bovə iyən erjon və bə qırd milləton həxon rioyət kardey əsose,ısət farğ kardedəni kom irğ,din iyənb fərhənqi soybe.həmmə milləton bəbe beynəlxalğ nizomədə çı bərobər və mısoviyə həxon soybin və bəbe əvon çı hiç qıləy kişvəri tərəfiku bə zu iyən zılmi məruz nımandon.

İron İslom Respublikə bə işğoləkə təcovuzkorəti mıxolife və har qıləy vırədə mıəyyənko ki,qıləy millət çı təcovuskori mığobilədə bə himoyə ehtiyociş heste,bo həmonə məzlumi həxon mıdofiyə kardeyro bəsə sapo əyşteydə və əy məhkum iyən mıttəhəm kardedə.

İron İslom Respublikə təsisəkə İmom Xomeyni(r) bın həxədə hamyedə:əmə bəpe dınyo mıxtəzəf və zəyif kardə bıə kəson himoyəkəmon.zira islom,dınyo qırd mustəzəf himoyə kardedə(Nuri səyfə,4-ə cıld,s3) .və İron   ıştə ğudrəti bo co mısılmınon himoyəro sərf bəkarde.(səyfə Nur,11-ə c,262-ə səyfə).

In mevğıyyət de dınyo imperiyalist və sultəgərə siyosət və rəftoron mıxolifəti mənoədəy.İron İslomi İnğılob bə mığovimət,ıştə coniku dəvarde və şəhodət,ozodi piye,bəştə bovə kardey,dini de siyosəti rabitə,anti-imperiyailizmi mədəniyyəti əsos bə əməl ome və çı sıftəku de dınyo imperiyalistə ğıvvon mıborizə bardedə.

Insonon sıftənə həxonku qıləyni həm çəvon jimon və həyoti həxe.ımruj çı Amerkə himoyə jiyədə bıə kişvəron ki,de rohəti conoyəton əmcom doydən və hiç qıləy tarsışon nıbə holədə   bəştə cinoyəton dəvom doydən.seonist rejim ki,70 sore bənə qıləy xərçənqi anqıli bə reqiyoni milləton təcovuz kardedə iyən təzyiğ nışon doydə və Amekə devlət həm ın rejimi himoyə kardedə.

Ərəbıston həm çın təcovuzgərəi ibaxşe. Səudiyyəvıjon çı 2015-ə miladi sori martə manqi 25-iku bə Yəmən hərbi həmləşon kardə.əmmo,bın barədə Amerkə insonə həxonku hiç qıləy xəbə ni.