Osmoniyə surəon-132
Osmoniyə surəon-132
Tohid iyən miad Yasini mıborəkə surədə bəhs bıə mevzuonkuye ki,çı ilahi tərəfiku vığandə bıə rəsulon de bıtpərəst və mışrikə fərdon mıborizə bardey bəpeştə çəyku bəhs bıə.sıftədə tohidi dəlilon çı həyot iyən jimoni məsələonədə nəvey bəbe.joqo ki,Yasini mıborəkə surə 33-36-ə ayəonədə zərif iyən reçinə formədə əy bəyon kardedə:” Və mardə zəmin boəvon qıləy nışonəy.əmə əvımon bəyji karde və çəyku donə(tum) xaric kardemone ki, (əvon) çəyku hardedən və əyo xımo iyən anqı doonku boğon ğərol domone. Və bəvədə çeşməon bə cuş vardedəmon ta çı miyvəonku iyən çəvon deştə dasti bə əməl vardə çiyon bıhardon.çən,boçi şık kardedənin? Pok(mığəddəse)ə Xıdo ki,qırd zovconış(qitonış) ofəyə,çı zəmini perosnə çiyon və milləti ıştəku və çəvon nızınə çiyon”.
Həyot iyən jimoni məsələ hestemoni aləmi mırəkkəbə məsləonkuye ki,aləmi ağılmandə şəxsonış bə təhəyyur iyən təəccıbi vodorış kardə.de elmi qırd dıjdə inkişofon ijən ikəs çok-çoki zıneydəni de kom mexanizmi beconə məxloğat bə bəyjiyə huceyrəon təbdil bedən? de tobə ısət hiçkəs zıneydəni ki,çı beməyon donə iyən çəvon dılədə bıə ğat çokonə soxtey bıə? həmçinin, bəvon kom ğanunon hakime ki,qıləy mınosibə şərayid icod beyədə,əv bə hərəkət omeydə və ruşd iyən inkişof kardedə və de ın roy vositə mardə zərrəon bəştə cəzb kardedə və əvoni bə mevcud bıə donəon təbdil kardedən.
Rəsəyon iyən heyvonon dınyoədə jimoni məsələ iyən mardə zəminon bəyji bıey,qıləy ruşinə dəlile ki,çın dınyo ofəyəmonədə qıləy dıjdə elm iyən zıneyku oko doey bıə.ın ayəon Bəhar fəsli iyən rəsəyon perəsey bo maid iyən bımyon sənibəton bəyji bıey qıləy çokə dəlil zıneydən.ımi həm zikr kardeydeydə ki,çı insoni umdə baxş xorəkon,çı həmonə doəon dılədə təşkil pəydu kardedə və bə təzahuron dığğət kardey bo Xıdoşınosiro qıləy ro bə hisob omeydə.Kərimə-Ğıron iyo çı miyvəon miyono çı anqı iyən xımo nomi zikr kardedə.bəçəy xoto ki,ın dıqlə miyvə və ləl-qıl bə insoni ğıvvə baxş kardə və enerji doə miyvəon komilə qılən və har dıqləyni qıləy komilə xorək bə hisob omeydə.bə alimon təhğiğon əsos,ım dıqlə miyvə ıştə bo insoni orqanizmi foydənin iyən lozım bıə çandə nev vitamin iyən maddəon ehtivo kardedə.
Peşonə ayə çın doon xılğəti hədəfi bəyon kardedə.məğsəd ıme ki,çın miyvəonku hardey bıbu. qıləy miyvə ki,komilə xorəki formədə çı doon xıçə səpe zohir bedən və doyku çıney bəpeştə bo hardero çəyku oko doey bəbe.çı aləmon pərəvrdıqor bıə Xıdo bə insoni kardə lutf və rəhməti nəhoyət dərəcə nışon doydə.həlbəttə,bəşər çın miyvəonku kali qıləyniku məhsulon istehsol kardə ki,co sahədə həm istifodə bedə.ın neməton zikr kardeyku hədəf ıme ki,insonədə şık kardey hiss oğo bıbu.zira,bə neməton şık kardey Xıdovəndi zıney və mərıfəti royədə iminə ğədəme.
Kərimə-Ğıroni elmi mecuzəonku qıləyni həm həmmə çiyonədə zevciyyət iyən qit qıniye ğanuni bəyone.ımruj de elmi roy vositə ruşin bıə ki,beməyon aləmədə zevciyyət iyən qit qıniye məsələ, qıləy umumi və hartərəfinə məsələy.
Osmonədə bıə təzahuron həm Xıdovəndi əzəmətinə nışonəonkuye.ayəon de qıləy məxsusə metodi çı təbyəti çoçinətiyonku I hissə və quşə jıqo təsvir kardedə.joqo ki,hamyedə:”Boəvon (coqləyni)nışonə şəve ki,əmə rujımon(bənə pusti)çəyku co kardemone.çən,bə toykiyəti ğərğ bedən və həşi bəştə təyin bıə vırə (tərəf) hərəkət kardedə.ım məğlub nıbə,əzınə Xıdo təğdire və bo ovşumi həm mənzilon mıəyyən kardemone ta bənə xımo kanə(hışkə) xıçə bıbu. (hiloli şikilədə bıbu)nə həşi bə ovşumi kardey bəzıne bırəso və nə ovşum çəyku dəvarde bəzıne. har qıləyni ıştə mıəyyənə vırədə(dayirədə) sınov hardedən”.
