Kərimə-Ğıron,İmom Huseyn(ə)-I ğıyomədə-2

Kərimə-Ğıron,İmom Huseyn(ə)-I ğıyomədə-2

Imom Huseyn(ə) Kərbəloədə deştə ğıyomi,ıştə coniku dəvarde,ğəhrəmonəti,eşğ iyən həyğəti simvol be. Həyğətən,hiç qıləy taxı iyən coğrafiyədə qırd ım pokə zulol,əzəmət iyən reçinətiyon ıştənışon nışon doəni.Əv,həmmə tufononədə Kərimə-Ğıroni pərçəmdor iyən hidoyəti jisbah və çoye ki,bə ro qin kardə və zılmətədə bıə kəson ro nışon doydə.çə həzrəti ziyorətədə omə:”Əşhədu ənnəkə əltali likitabillahi”.”mı şəhodət doydəm ki,tı ha İmom Huseyn ha!Xıdo kitobi tilovətəkə biş”.

Kərimə-Ğıron bə elm iyən ağli təkid kardedə ta insoni cəmyətiku ğəflət iyən cəholəti rınə bırniye bıbu və İmom Huseyn(ə) elon kardedə kiğəflət iyən bedığğətəti həmməysə yavə noxəşətiye ki,isnon iyən camiyə dəqətedə və çandə nev mınhərifə ideoloqiyə iyən rəftoron zəminə hozzı kardedə.

Ğəflət,çı qırd fərdi iyən iştimayi benəzməti rişə bə hisob omeydə.zira,ğafilə inson komilə surətədə bıə betafutə holətədə ,ğərəz dınyo maddiyə jimonisə co çi həxədə fik kardedəni.Kərimə-Ğıron ğəfləti çı insoni bədbəxtəti iyən suğuti əsliyə amil zıneydə və hamyedə:”yəğınən,əmə cın iyən insoniku bıə ziyodə dastəon,bo cəhəndımiro ofəyəmone və .çəvon dılışon(ağlışon) heste ki,deəy(əndişə kardedənin) famedənin iyən çəşonışon heste vindedənin və quşınışon hete ki, deəy məsedənin.əvon bənə çolınqonin.bəlkəm,çəvonsə həm zəlolətədən.ımon,həmonə ğafilonin.(Əraf-179).

Bə ğəfləti dıço bıə camiyə,bə qıləy mərıfət iyən oğoəti ehtiyociş heste və hərəbaxtəti iyən həxı roy dəvom doey həm fəğət, çı həyğəton dərk və zıney sayədə bə dast omeydə.İmom Huseyn(ə) de Kərimə-Ğıron iyən ilahi kəlomi bo milləti ruşin kardey,əvoni oğo kardedəbe və bə bəsirət iyən çokə jimoni tərəf vanq kardedəbe.ə həzrət Kərimə-Ğıroni əbədiyə mecuzə iyən ilahi oşko və ruşinə dəlil zıneydəbe və hamyedəbe:”şımə pərvərdıqori tərəfiku qıləy ruşin iyən oşkoə dəlil omə”.(Ənam-157).

İmom Huseyn(ə)-i məhəbbət iyən ğəzəb həm bə Kərimə-Ğıroni əsos be və Ğıroni pok iyən ətrinə bu çə həzrəti qırd koonədə məsey bedəbe.çə buzurquvarə insoni əxloğ iyən rəftor,Ğıroni de bərəkəti pur bıə ayəon təcəssım iyən tərsim be və ə həzrət deştə alicənobə rəftori Kərimə-Ğıroni maarifon bəyji kardedəbe və əy camiyədə rəvoc doydəbe.İmom Huseyn(ə) çı camiyə əmniyyət,rifoh iyən inkişofi həmməysə vey muhimmə amili,bə cəmyəti hakim bıə yolon ıştə roli ifo kardeyədə zıneydəbe və hamyedəbe ki,islomi  hakimi iminə şərt,imon iyən bə ilahi ğanunon əməl kardeye.çoko ki,Xıdovəndi jıqoş hamyə:”əmə ın kitobımon həxədə bətı nozil kardemone ta de Xıdo bətı omutə çiyon vositə çı milləti miyono hakiməti bıkoş və çı xəyonətkoron havari məkəş”(Nisa-105).