İmom Huseyn(ə)-I ğıyomədə Kərimə-Ğıroni təcəlli(4)

İmom Huseyn(ə)-I ğıyomədə Kərimə-Ğıroni təcəlli(4)

Aşurə memor iyən rol ifo kardə kəs İmom Huseyn(ə) Hicri-Ğəməri 60-ə sori Rəcəbə manqi 28-ə ruji Mədinəku hərəkətış karde və Hicrəti 61-ə sori Məhərrəmə manqi 2-ə ruji bə Kərbəlo rəse.ə həzrət çı mıxtəlifə vırəonku dəvardeyədə,deştə ruşinəkə sıxanon con iyən rufon çı təfəkkur iyən əndişə mə`rəzədə noydəbe və ıştə ğıyomi bə həmmə kəsi ayid zıneydəbe.İmom (ə) de Kərimə-Ğıroni hidoyətəkə ayəon bə yod dənoydə be ki,camiyədə izzət iyən səbarzəti de  inhirofəti vədə mığoviməti bə dast omeydə və çı sıtəm iyən beədoləti mığobilədə mande iyən zılləti ğəbul nıkardey lozıme və bımi həni hiç qıləy bəhonə vardey lozım ni.çıro ki,Xıdovənde-Aləmi hamyəşe:”İnnəl…..(Fussilət-30)Həyğətən,əkəson ki,voteşone çəmə pərvərdıqor Xıdoye.peşo mığovimət nışon doşone,məlayikə bəvon nozil bedə (və votedən:)bızınən mətarsənən və ğəmqin məbənəmn və de bəşmə və`də doə bıə vəhışti şoyvonətikənən”……

Peyğombər(s)–I Hicrəti dıminə sori Rujə manqi  Bədri canqi zəmonədə rəvoyət bıə ki,se həzo firiştə və mələk bə peyğombər(s)-I komək omin(Ali-İmran-124).İmom Huseyn(ə) həm Mədinə tərk kardeyədə, idastə mələkon çə həzrəti palu omin və voteşone ki,ehanə lozım bıbu əvon bəy komək bəkardeyn. əmmo,İmom(ə) bəvon təşəkkur kardə holədə hamyeşe:bəqəm Ğıronon çı viro berkardəyone ki, hamyedə:”Əynəma….(Nisa-78) Ha vırədə bıbənən,mardey şıməni pəydu bəkay,hətta ğoymə bılındə ğələon dılədə(ya astovəono)həm bıbun”…….

İmon iyən yəğıni  şolə cononədə ruşin beyədə,qırd fıkro-zikr,şək iyən heyrəton çı miyoniku bardedə və çəvon bə insoni ray iyən əzmi bıə ğələbə,insoni bə siyosətbozon dam eğandedə iyən mınhərif kardedə. liza, ehanə insoni mərıfətış nıbu,inhirof iyən kəcəti bəy səbarz bəbe və çəy jimon de məkro-hiylə pur bəbe.İmom Hueyn(ə)-I məntığədə ro iyən hədəfi  nızıne insoni çı şəytoni hənəkçə  iyən çı sıtəmkoron dasti əbzor bəkarde.joqo ki,əv Ğıroni tilovətəkə iyəmn şəvi nımoji bərpo kardə kəs həm bə həxə imomi ələyh isyon bəkarde və əy dərk nibəkarde…..

İmom Huseyn(ə) Məkkədə beyədə,de ziyodə şəxson votemonış karde və çı həxı de botıli meyarış boəvon ruşin karde.demiyən  tamə iyən oruzu kardey dıqlə xısləte ki,ziyodə insononış çı pentoniku bə saru tərəf şıkırnəşe və insoniyə camiyədə qıləy telə hodisəonış bə əməl vardə.bəçəy xoto çəvon veyni bəştə  mıxolifət iyən canqi dəvom doydən.İmom(ə) de Əbdullah ibn Əbbosi dimbədim omeyədə,çəy amuyəzo səy kardedəbe bəştə dıləsutəti iyən çə həzrəti coni hifz kardey xoto,voteşe ki,Məkkə tərk nıko və bə Kufə nışo.əmmo,İmom Huseyn(ə) çı Bəni-Uməyyə iyən çəy tərəfdoron həxədə ın ayəş tilovət karde:”İnnəl…..

Həyğətən,mınofiğon de xıdo məkr iyən hiylə kardedən və holın ki,Xıdovənd (de çəvon əməlon cəzo)de əvon məkr kardeydə və havaxti bə nımoj əyşteyədə kıvoləti(tənbələti) kardeydən,əvhəm ıştəni bə məxloği nişo doey xoto və Xıdo kam bə yod dənoydən”……

İmom Huseyn(ə)-I məntığədə çı maddi dınyoku ozod bıey çı həxı royədə hərkət kardey iminə şərt bə hisob omeydə.əkəs ki,ıştənış bə həzo qılə bəçəş çiyə ya nışiyə anqılonış dəbastə və oşko iyən punhonə əsorəton çəy jimonədə mevcudebu,həmonə şəxs bə barzə məğsəd iyən hədəfon rəsey nibəzıne.dıjdə rufon əzəmət bəvədy ki,əvon çı qırd çiyonku dəvardedən və və çı həmmə kəsiku bırniyedən.İmom(ə) bə ın şəxson ilahi mıkofati mıjdəvoni doydə və Ali-İmrani mıborəkə surə 185-ə şərifə ayəş tilovət karde ki, hamyedə:Kullu …..“Ha qılı şəxs mardey(təmi)bəçaşte,şubhə niki,ğıyoməti ruji şımə əcr və mıkofəton komilə şikilədə doey bəbe”.

Çımon mığobil noxtədə İmom Huseyn(ə) bo fəğət zohiri vində və kırtə nəzəşon bıə fərdon ın ayəş tilovət karde:”Muzəbzəbinə…. (mınofiğon)çı kufr iyən imoni miyono mot(avarə) mandən.nə de ın qrupin və nə de ə qrupi və Xıdovənd hakəsi bə zəlolət dənoy bəyro qıləy nicoti ro pəydu karde nibəzneyş”.