Şəhidon iyən fədaiyon,Mığəddəsə Mıdofiyə fəxrofəyəkəson
Şəhidon iyən fədaiyon,Mığəddəsə Mıdofiyə fəxrofəyəkəson
Milləton tarıxədə rujon bəvə omeydə ki,ıştə coniku dəvarde iyən fədokorəti nıbə iyən de ziyodə ğıboni nıdoə holədə,təhlukəon çı miyoniku şedəni və dıjd iyən mıborəkə hədəfon muhafuzə bedəni.bə zəmone ki,I dastə mumin iyən ıştə coniku dəvardə şəxson bə meydon omeydən və de ıştə coniku dəvarde həxə ayini nığo dyodən oqteydən.islomi məntəğədə bə ın ıştə coniku dəvardey barzə məğami “Şəhodət” voteydən.İslomi İron həşt sor Mığəddəsə Mıdofiyə devronədə deştə inğılobi iyən imoninə cıvonon çı həxı cəbhədə bə botıli ələyh canqış karde.i vaxt ki,deşmon yəni Iraği BƏƏS-I rejim de ğərbi kişvəron veyə himoyəon iyən deçəvon modern iyən mıosirə silohon vositə bə İroni səmt həmləş bino karde,İroni inğılobi cıvonon həşt sot ərzədə de kamə hərbi təchizit iyən imkonaton,əmmo bə imoni iyən mənəviyytai ğıvvə təkyə kardə holədə həmməysə vey ğəşənqə merdəti iyən ıştə coniku dəvardey cilvə və səhnəşon xəlğ karde.əvon de İmom Huseyn(ə) Iyən de ə həzrəti bəfodorə əshobi nomi çı Xomeyni(r) vey çokə duston bin və de tosbə ıştə coni oxonə nəfəsi mığovimət nışon doşone və bın royədə şəhid ya zəxmin bin ta nıhaşton İslomi İnğılob de deşmınon dasti məhf bıbu bışo.
Şəhodət, çı fədokorəti həmməysə barzə dərəcəy ki, ilahi dəqroyədə ziyodə əcr iyən mıkofatış heste.ilahi merdon bə həmonə şəhodəti mıəğami rəseyro orzu kardedən.Xıdaye-Mutəal Ali-İmrani mıborəkə surə 169-ə ayəku de tosə 171-ə ayə çı şəhidon ali iyən barzə məğami zikr kardedə və hamyedə: “ Və hiç vəxti Xıdo royədə kıştə bıə kəson mardə hesob məkən, bəlkə əvon bəyjin,bəvon Xıdo tonoku ruzi doey beydə Bəvon Xıdo neməti iyən fəzli və Xıdo çəvon mıkofati bə puç benıkarde mıjdə doydən. əvon Xıdo bəvon ıştə fəzliyo doey xoto şo və xoşholin.əvon dumo əvon bıə,hələki,bəvon umuj nıqniyəkəson mıjdə doydən ki,nə bəvono tars heste və nə bəvon ğəmginəti bəbe”.
Holı-hozırə alim iyən təfsirəvon Ayətullah Məkarim Şirazi 169-ə ayə izohədə çı şəhidon jimoni həxədə məsəninə nuktəon bəyon kardedə.ə həzrət jıqo hisob kardedə ki,bın ayədə çı jimon iyən həyotiku mənzur iyən məğsəd,həmonə bərzəxi jimon iyən həyote ki,ruf maqi bəpeştə bıə aləmədə jiyedə, nəinki, cismoni iyən maddi. harçənd bərzəxi jimon fəğət bə şuhəda məxsus ni və məxloği əksəriyyət həm bə həyoti soybe. əmmo,çun çı şəhidon jimon qıləy fovğəladə ali məğam iyən de mənəvi neməton bə icoye, əve çəvon nomon zikr bıə.
Şəhidi kəlmə qıləy vey dıjdə mənoş heste.zira,luğətədə hozzı,nəzorətəkə,şoyd iyənşoydətiəkə və rostə xəbə doəkəs və həmçinin nımunə,ulqu iyən sərməşği mənoədə omə.Şəhid,bəyji iyən təsiri mənbəy və İroni millət hejo çı şəhidon,conbozon,ıştə coniku dəvardə kəson fədokorəti ioyən rəşodəton iyən çəvon xıyzonon ğədrışon zınə.həlbəttə,islomi prizmaku har kıştə bıə iyən mardə kəs şəhid ni.bəlkəm,şəhid bə kəsi votey bedə ki,qıləy mığəddəsə royədə iyən bo qıləy mığəddəsə hədəfi xoto,ıştə coniku dəvardedə və fido kardedə.ustod Şəhid Mıtəhhəri bın barədə hamyedə:”Şəhidi seqlə xıslətış heste.qıləyni ıme ki,qıləy mığəddəs royədə iyən bo mığəddəsə hədəfi xoto kıştey bedə.coqləyni xısusiyyətış ıme ki,deştə şəhodəti əv əbədiyyət pəydu kardedə və seminə qılə həm əv muhiti pok kardedə”.
Mumin iyən təğvoninə inson bə şəhodəti məğmai noyil beyədə,milləti dılon bə Xıdo səmt dığğətin kardeydə və çoko ki,dılon nurani bedən,həmonə muhitədə pokəti icod bedə.şəhidon həm çı dınyo əhli iyən ıştə bəyji mandə odəmon dılon oğo kardedə bə bə Xıdo səmt dığğətin kardedə və həmən bə Bərzəxi aləmədə bıə kəson qıləy ruf rosnedə.
İroni məcburi iyən mığəddəsə mıdofiyə devronədə çandə həzo nəfər şəhid bin ki,çəvon jimonnomə məxsusən çəvon vəsyətnomə handeyədə,dərəse bedə ki,əvon çanədə barzə mərıfəti soyb bıən və bo insoniro qıləy de mənəviyyati pur bıə qıləy dərsışon noə.
