Osmoniyə surəon-140

Osmoniyə surəon-140

Xıdo-Rəsul(s) ıştə risoləti oşko kardeyədə,Əbu Cəhl iyən Ğureyşi i dastə yolon peyğombər(s)-i amu Əbu Tolıbi palu omin və voteşone:ha Əbu Tolıb ha! ıştı boə zo əməni səfi iyən sıvıkə ağli soyb hisob kardedə və deçəmə xıdoon mıxolifət kardedə.əv çəmə cıvonon səş xərob kardə və çəmə cəmyəti miyono qıləy təfrığəş eğandə. ehanə bıpyişe əmə anədə boəy mol qırdə bəkardemon ki, əv çı Ğureyşi həmməysə puldor iyən ərbobə merd bəbe və əmə hətto hozzımon əy boştə rəyis həm bıvıjnəmon.

Əbu Tolıb çəvon ın sıxanonış bə Rəsulullaş(s) rosneşe.Pəyğombər(s) hamyeşe:ehanə əvon həşi bəçımı rostə dasti iyən ovşumi bəçımı çəpə dasti bınon,mı bəy meylım ni.əmmo,(qırd çın və`dəon əvəzi) iqlə cumlədə demı həmfik bıbon ta çəy sayədə bə ərəbi hukumətkon və ğeyri-ərəb həm bəçəvon ayin boon”.

Ğureyşi yolon de peyğombər(s)-i ın sıxanon məse bə Əbu Tolıbi voteşone:”əmə hozzımon çı iqlə cumlə əvəzi daqlə cumlə ğəbulkəmon.ısət bıvot ki,həmonə cumlə çiçiku iborəte və kon cumləy”?. peyğombər(s) bəvon hamyeşe:” təşhədunə La ilahə illəllah və inni rəsulullah-şoydəti doydəm ki,ğərəz Xıdo co mə`bud ni və mı Xıdo rəsulim”.əvon çın sıxanonku vey ğeyzin iyən hiddətin bin və voteşone: ”əmə ıştə 360 qılə xıdo vabıdəmon və fəğət bə iqlə Xıdo soyəx bışəmon? əv həm ki,bəçəş nıçiyə Xıdo.çı əcib-ğəribə çiye ım”? bın zəmon Sad-i mıborəkə surə sıftənə ayəon nozil be.

“Sad,ğəssəm bıbu zikrı soyb bıə Xıdo,bəlkəm kofiron bə təkəbbır(və yoləşəxəti) iyən deşmınəti giriftor bıən.veyə ğovmon çəvon bənav həlok kardemone və əzobi nozil bıey zəmonədə fəryod(zikməvulə) jeydəbin,əmmo həni bo vitey məcol nıbe”.

Peyğombər(s) çı tohidi pərçəmi Məkkə sərzəminədə rost və bə bıton ələyh ğıyom kardeyədə,bıtpərəston təəccıb kardeşone ki,çıro qıləy torsınəkəs  çəvon miyono rost bıə? mışrikon pəyğombəri(s) çı milləti miyono beşey imtiyozi,bo ə həzrəti qıləy zəyifə noxtə zıneydəbin.əvon hətto tiki həm bənav şiin və voteşone ki,əv yəni pəyğombər(s) qıləy duyəvıjə sehrboze.

Xıdo-Rəsul(s) milləti bə vahidə Xıdo səmt dəvət kardeyədə,əvon voteşone ki,əmə çı qırd ım mə`budon əvəzi fəğət iqlə Xıdo pərəstışkəmon? Bərosti ım,qıləy əcibə koye.əvon jıqo fik kardedəbin ki,çanədə çı mə`budon mığdor ziyod bıbu,çəvon nufuz iyən ğudrət həm ziyod bəbe.ha holədə,çı mışrikon yolon çı Əbu-Tolıbi vositəçiyətiku no umu bin,voteşone:”bışənən və ıştə xıdonku dast məkəşən və ğoym bəştə ayini dəçıkənən.ım,şıməku tələb kardə bıə qıləy çiye”.

Sadi mıborkə surədə bəy işorə bıə pəyğombəronku qıləyni həm,həzrəte Davud(ə)-e.joqo ki, hamyedə:” çəvon votə çiyon mığobilədə  tov biyə(səbrkə) və  bəştə xotır biyə çəmə bandə ğudrəti soyb bıə Davudi ki,əv vey tobə əkə be”(17).

Bə həmonə Xıdo pəyğombəri(ə) həxədə bıə dastoni işorə kardedəmon.dıqlə de iaynde canq kardə şəxs bo məhkəmoro həzrəte Davud(ə)-i mehrobiku bəpe pedatin və çə həzrəti palu omin. əv sıftədə tarse.çən,peşo bə şikoyət kardə kəsi şikoyətiş quş doe.çəvonku qıləyni voteşe ki,çəy bo 99 qılə pəsış heste və çəy fəğət iqlə və çəy dılış heste ki,ə iqlə həm çımi dastiku bıstəno. Davud(ə) iyo dastpoçə be və rəyrə şikoyət kardə kəsış həx zıne və voteşe:ıştı bıvə de ın tələbi bətı sıtəmış kardə və və şərikon veyni həm bə iyande zılm kardedən.çəy bəpeştə Davud(ə) ıştə səhf kardey sərəse və zıneşe ki,ım qıləy ilahi imtovon be.əve peşo ıştə dimış qəte bəştə pərvərdıqori səmt və Xıdovəndiku ıştə baxşeş iyən əfvi tələbış karde və Xıdo həm əvış əfv karde.