Osmoniyə surəon-141

Osmoniyə surəon-141

Çın surə ayəon Davud(ə)-I bəpeştə bə Suleymon(ə)-I işorə kardedə.Suleymon(ə)-I macəra zikri bəpeştə  çə həzrəti bə Xıdo dərqo bıə dıvoku bəhs kardedə.Əy voteşe:”Xıdolim ha! mıni bıbaxş və bəmı qıləy hukumət ətokə ki,çımı bəpeştə bə hiç kəsi loyığ nıbu.yəğınən,tı vey əbaxşiş!(ayə-35)

Xıdovəndi çı həzrəte Suleymon(ə)-I təğaza və tələbış ğəbul karde və de dıjd iyən məxsusə imtiyozon iyən neməton bə ico qıləy hukumətış çəy ixtiyorədə noşe.min cumlə voş boəy təsxir kardeşe əvon deçəy əmr iyən fərmoni namə formədə hərəkətkon.joqo ki,hamyedə:”əmə vavazımon boəy təsxir kardemone ta bəçəy əmri mıtobiğ namə holətədə hərəkətko və bəçəy irodə kardə vıron(səmt)bışo”.

Təbiiyə formədə qıləy hevujə hukuməti ixtiyorədə bəpe rəyrə rabitə bərğərol kardə vositəon mevcud bıbu.

Xıdovəndi bə Suleymon(ə)-I əto kardə coqıləyni  nemət,itoət nıkardə məxloğon təsxir kardey və əvoni bo mısbətə koon əncom doeyro çə həzrəti ixtiyorədə ğərol doey be.deməkə ki,çı şəytonon xıslət tuğyongərəti və itoət nıkardeye,əmmo əvon bo foydəninə koon bə vırə rosney xoto,təsxir iyən ram bıən.çoko ki,hamyedə:”çı şəytononku har qıləy bənno iyən ğəvvos təsxir(ram) kardemone (ta idastə hışkiyədə bina bısoxton iyən iqrup dıyoədə de ğəvvosəti məşğul bıbon).37

Həlbəttə,ğərəz ımi co çorə nıbe ki,çəvonku idastə bə zənjir jıey bıbu ta camiyə çəvon şərriku əmonədə bımando.çoko ki,hamyedə:çı şəytononku coqlə dastə bə zəncir jıə holədə çəy sultə jiyədə ğərol domone.

Həlbəttə,Xıdovəndi bə həzrəte Suleymon(ə)-I əto kardə muhimmə nemət,mənəvi məğamon bin ki,Xıdo əvış çə həzrəti ləyoğəti sayədə bəy ətoş kardəbe.joqo ki,hamyedə:və boəy(bo Suleymoni) çəmə nəzdədə erjinə məğam iyən çokə ağıbət(mevcude)-(40).

Bə ın ayəon əsos de qıləy dəvəşə sivilizasiyə bə ico bıə qıləy hukuməti nemət,de ilahi mənəvi məğam iyən erjon bə ico beyədə hiç qıləy ziddiyyətış ni.

Sadi mıborəkə surə 41-44-ə ayəon bə Xıdovəndi de macəra pur bıə co peyğombər yəni bə həzrəte Əyyub(ə)-i jimoni hissəon işorə kardedə ta millət çı vey saxtə problemonku nıtarson və ilahi rəhmət iyən lutfiku məyus nıbon.Əyyub(ə)-i ziyodə nemətonış hestebe və ə həzrət qıləy şıkəkə bandə be.hətto,şəyton ıştən həm bəçəy itoəti iyən bandəçəti həsrət bardedəbe.joqo ki, hamyedə:” və bə yod biyə çəmə bandə Əyyubi.bə zəmon ki,ıştə pərvərdıqorış vanq je ki:şəytoni mınış bə rencı-əzobi(dılə) eğandəşe”.

Ikəsi həzrəte İmom Sadığ(ə)-iku dəparseşe:bə çiçi xoto Əyyub(ə) jəqo bə bəlo dıço be? İmom(ə)-i çəy cəvobədə hamyeşe:”Xıdovəndi bo Əyyub(ə)-i ixlosi bo həmməkəsi oşko kardero və əy bo aləmon ulqu ğərol doeyro ta nemət iyən əzobi zəmonədə har dıqlə holədə şıkəkə iyən səbrəkə bıbu,bə şəytoni icozəş doe ki, bəçəy dınyo mısəllət bıbu”