Ğərbədə islamofobiyə
Ğərbədə islamofobiyə
Radikal rostçiyon inkişof,çı Almaniyə camiyə bə islomofobiyə iyən anti-silom təfəkkuri səmt sovğ doydə.ım qıləy holədəy ki,Almaniyə mısılmınon Almaniyədə bə ğanuni pemandə kamə məzhəbi tərəfdoronin.oxonə manqonədə Almaniyədə kali hodisəon bə əməl ome ki,bənə “Pegida” bıə ifrati iyən islomofobə dastəon mıhocirə mısılmononışon hədəf qətə.islomofobon informasiya sahədə həm Almaniyə mediya elitaon vey aktiv və fəal bıən.çı ”Doyçe bank” –I idorə heyəti navkonə uzv və Berlini Senatədə Almaniyə Sosyal- Demokrat partiyə navkonə senator Tilo Zarrazini “deşmınə istilo,çokonə İslom bə inkişofi mane bedə və camiyə təhdid kardedə” kitobi nıvıştey və intişori bəpeştə,Almaniyədə ijən bə islomi ələyh co qıləy kitobış nıvıştə və çapo bekardəşe.Almaniyə şərğədə çı radikalə rostçiyon bə xarici miqranton ələyh etırozinə aksiyanon zəmonədə co qıləy islomofobik kitob mıntəşir bıə ki,bo Avropə iyən Almaniyə mədəniyyət və fərhənqiro bə ”islomi xətərə və təhlukə” işorə kardedə .Almaniyə Komnites şəhrədə qıləy cıvoni bə ğətl rosney,ısət bənə “Pegida” ifratə rostçiyon məxsusən bə islomofobikə cərəyonon dast qıləy bəhonəş doə ta əvon Almaniyədə bə miqrant iyən islomi zidd mitinqon dəvordınon.həlbəttə,bə xariciyon ələyh bıə dastəon çı islomofobə qrupon mığobilədə mandin.əmmo,Almaniyə rəsmi şəxson həm çı irğçi iyən ifratə rostçiyon havarışon kəşe.bə miqranton ələyh meyl,ısət qırd Avropə məmləkətonədə bə əməl omə.rostçiyə partiyəon səy kardedən inev həm ıştə soyal bazəon hevuj bıkən və həmən de anti-miqrant iyən irğçi nomi mıttəhəm nıbon.çəpə partiyaon həm de bənə mıhociron iyən xarici şəhrvəndon məsələ dimbədim omeyədə,mıhofizəkorə siyosət oko bıdon ta çəvon tərəfdoron bəkam nıbon…..
