Fələstıni hodisəon

Fələstıni hodisəon

Fələstıni  hodisəon seonist rejimi çı Fələstıni cıvonə nəsli mıborizəon mığobilədə dəmande bəyon kardedə və Fələstıni cıvonon mədəni mığoviməti çərçivədə de Fələstıni silohinə mıborizə bardə cıvonon bə ico de seonist rejimi mıborizə bardedən və həm bə ın cinoyətkorə reimi ıştə sə qim kardey boyis bıə. Fələstınə cıvonon de seonist rejimi iyən de Ğəzzə tanqədə qədə şəhronədə jiyə seoniston mıborizə tojə mərhələ bino bıə və əvon çəy nomışon”bəşəvnəy kabus” nomışon noə.bə Fələstınıjə “Əlyam” rujnomə məlumati əsos,Ğəzzə tanqədə sakin bıə Fələstınıjon tojə mıborizəon metodon icodi dəvomi koyədə təğribən ço həftə bənav de “bəşəvnəy kabusi” nomi təşkilışon doe ki,çəvon ko həm seonist rejimi hərbiçiyon iyən israyili qədə şəhronədə jiyə seoniston miyono bə tars iyən sər-sədo boyis bıə.de har qıləy şəvi bino bıey,çandə sa qılə Fələstınıjə cıvnon Ğəzzə marzi dırozi de təbl jıey sər-sədo kardedən və çəvon çandə nəfər həm de bə balonon otəş jıey  peşo əy bə seoniston nıştə qədə şəhron səmt vığandedən.çın məlumati dəvomədə omə ki,dəvardə se şanbə şəvi təğribən 300 qılə Fələstınıj Ğəzzə marzon iyən İşğal bıə Fələstıni çandə metrədə mandin və binoşon karde bo təbl jıey iyən sər-sədo kardey.bın cəhətədə Roni Krin Ğəzzə marzədə “Kərəm Əbu Salim” lokal Şura sıxanəvot elonış karde ki,bəşəvnəy bıə aksiyəon qıləy kabuse.əvon de sədo doə bombəon ğandey ıştə ko bino kardedən və bə seoniston dıl qıləy vəlvələ dənodən.”Oqardemoni” aksiyə komitə elonış kardə ki,zikr bıə vohidon təşkil kardey,çın etırozinə aksiyəon sıftənə mərhələy.həmonə etırozinə mitinqon ki,de tosə Ğəzzə mıhosirə bərtərəf kardey iyən çı ıştə kəonku dərbədər bıə Fələstınıjon həxon təsdbit bıey dəvom pəydu bəkarde.