Osmoniyə surəon-143

Osmoniyə surəon-143

“Aya nıvinde ki,Xıdovənd osmoniku ovış nozil karde.çən,əvış honi surətədə zəminədə cariş karde.peşo,deçəy vositə nevbənev kaştemoni sahə bə bi bekardedə.çəy bədiqə beməy hışk bedə.joqo ki,zard vəindeyş.peşo əy anci(hışkə aləfi) surətədə bedə.həyğətən,bın (əvəzonədə) bo ağl soybon qıləy pand və təzəkkur heste.(21).

In ayə hestemoni aləmədə pərvərdıqore-aləmi əzəməti əsəron miyono bə voşi nozil beıy işorə kardedə.peşo,çın beranqə oviku bə əməl omə çandə həzo nevə rəsəyon perəsey şərh doydə.

Aya nıvinde ki,Xıdovənd osmoniku əvış nozil karde.peşo əy zəmində çı honi iyən çeşməon formədə cari kardedə?voşi həyot baxş kardə ov bə zəini nozil beyədə,əv bə zəmini ta bəçəy mumkin nıbə vırə dılə nufuz kardedə daxil bedə.iyo həni bə nığıli şıey zıneydəni və anbo bedə. peşo,əv honi,ğənot iyən ruon surətədə bə əməl omeydə.

Ehanə zəmini dim saxt bıbu iyən nufuz ğəbul nıko,voşi oviku izərrə həm ambo iyən ehtiyot nibəkarde vəçı osmoniku voşi ov voye bəpeştə əvon həmmə əşin bə dıyo.həni nə çeşmə bə əməl əvoy və nə qıləy ru.və əgər qırd zəmini dılə nam bıəbe,qırd voş iyən oveyzi ovon bə zəmini nığılə vırə əşin.joqo ki,HƏNİ ÇI İNSONON DAST BƏVON NIƏRƏSİ.zəmini dıqlə nufuz ğəbuləkə iyən ğəbul nıkardə ğatiku təşkil pəydu kardey və de bə hisobi əsos de fosliəon beşey, Xıdovəndi ğudrəti nışonəonkuye.

Peşo hamyedə:Xıdovənde-Xalığ dehəmonə ovi  vositə,mıxtəlif nev rəsəyon çı zəminku xaric kardedə.əmə həmmə çandə nev reçinə ranqış bıə beməyon vindəmone.vey ğəşənqə rəsəyon, çəvon mıxtəlifə formədə bıə livon və çandə nev miyvəon.

Çən,peşo bə çın rəsəyon jimoni co mərhələon işorə kardedə və hamyedə:ımon peşo hışk bedən.joqo ki,əvoni bənə zard iyən hışkə çu bəvindeş.

Tındə vo çı har tərəfiku qıneydə və əvoni eğandedə və nəticədə əvon darşiyedən və hırd bedən.

In səhnə harçənd,çı rəsəyon almədəy,əmmo bə insoni çəşnavi doydə ki,bənə əy macəra həm şımə jimonədə tikror bedə və çəvon usul həm iye.təvəllud,(cıvonəti)peşo pəlış iyən piy bıey və oxoyədə həm maq və mardey.

Çın dıjdə dərsi dəvomədə,peşonə ayədə de qıləy zərifə mığoyisə ,mumin iyən kofiri mığoyisə kardedə ta ın həyğət ruşin bıbu ki,Kərimə-Ğıron iyən osmoniyə vəhy həm bənə qıləy voşiye ki, bə dılon sərzəmini nufuz kardedə.çoko ki,fəğət hozzı bıə dılon çı voşi həyotbaxş kardə ğətrəonku mənfəət  bardedən.fəğət ə dılon çı ilahi ayəonku bəhrə bardedən ki,çəy lutfi sayədə iyən de ıştə mənəviyyati sape ko kardey,ıştəni hozzıkon.joqo ki,hamyedə:”aya ikəs ki,Xıdo çəy sinəş bo islomi (ğəbuliro) ojış kardə,ıştə pərvərdıqori nuriku(bəhrə bardedə)(bənə tokiyə dılə fərdone). çən,vay bəvon ki,de sığə dıli Xıdo zikr kardedən”.