Təkfiri cərəyonon
Təkfiri cərəyonon
Ali-Səudi bə mısılmınon jıqo nəzə kardey boyis be ki,əvon məntəğə mısılmınon kıştero dastışon tiki həm ziyod oj be.Məhəmməd bin Əbdul-Vahab de Məhəmməd bin Səudi miyono rabitə bərğərol beyədə,bə çəvon telə şımşi iyən ğarəti məruz mandə iminə şəhr çı Dəriyə nezi bıə Riyadi şəhr be.çı Riyad iyən Dəriyyə miyono canqi otəş kulliyə surətədə de tosə si sori nezi dəkəşe.Məhəmməd bin Səud bə Ərriyadi hakim Duam ibn Dəvasi ğudrəti dəlili xoto,bə ın şəhri ğalib omey zıneydə nıbe.ın canqon ğərəz vironi iyən yarajə bıey co qıləy foydəş nıbe və oxoyədə ço həzo xonəxo bın canqədə ıştə conışon çı dasto doe.tain ki,1187-ə Hicri-Ğəməri sori çəy fərzənd yəni Əbdul-Əziz bin Məhəmməd de qıləy cinoyətkorə ləşkəri bə Riyadi səmt hərəkətış karde.Əbdul-əziz bin Məhəmmədi ləşkər çı Riyadi qırd əhaliş şımşiku dəvordınışe. əvon çı Riyadi şəhri camaatışon həmmə ğətlı-am kardeşone və çəvon jenonışon boştə kəniz peqəteşone.həni Riyadadə iqlə merd həm mandə nıbe.beşək,inson çı harçi deşmon həm bıbu, bəştə vətəni bastəti hissış bedə.çoko ki,peyğombər(s) hamyəşe:”hubbul-vətəni minəl iyman”. Əyniyyə şəhr çı Məhmməd bin Əbdul-Vəhabi perəsə və bə ərsə rəsə iyən çəy əjdodon şəhr be və çandə sor bın şəhrədə çəy pı bın şəhrədə ğəzovət kardedəbe iyən hıkm doydəbe.MƏZHƏBİ NƏZƏKU HƏM ƏYNİYYƏ ŞƏHRİ MİLLƏT ÇI Hənbəli məktəbi dəvomçiyon bin.əmmo,çın məntəğə camaat iminə məntəğə be ki,de Məhəmməd bin Əbdul-Vəhabi fitvoon iyən Məhəmməd bin Səudi ləşkəri şımşi ğətl-am bin iyən ımon bo həmonə mantəğə ğərəz vironə və xərobəti hiççişon nıvardeşone.
Əyniyyə hakim Osman bin Muəmmər çı Məhəmməd bin Əbdul-Vahabi islomi təlimonku bə diyəro mandey iyən çəy inhirofə təfəkkuriku xəbədo bıey bəpeştə,əvış çı Əyniyyəku xaricış karde.Məhəmməd bin Əbdul-Vəhab həm bəçəy deşmıni yəni bə Dəriyyə hakim Məhəmməd bin Səudi səmt şe və bəy dəvitye və əy çı Osman ibn Muəmmər kofir iyən şırki həxədə fitvoş doe və çəy ğətlış vocib zıne.çın fitvo bəpeştə çı Şeyxi kali muridon Osmanışon cımə ruji və cımə nımoji bərpo kardey bədiqə 1169-ə Hicri-Ğəməri sori Rəcəbə manqədə bə ğətl rosneşone.çəy bəpeştə Məhəmməd bin Əbdul-Vəhab bə Dəriyyə varid be və çı Osmani kəş viron karde və ikəsış çın şəhri valiş təyin karde.çandə vaxt bəpeştə tojə vəhhabi fırğə ğəbul nıkardə millət,bəsə səpo əyştin iyən ğıyomışon karde.əmmo,çəvon kardə ğıyom de repressivə şikilədə etosniye be.vəhhabiyon ləşkər çı Əyniyyə şəhri merdon iyən hırdənonışon həmmə kışte və çəvon jenonışon əsir karde.çı Əyniyyə məxloği kə-bəon de vəhabiyyon dasti xərobə mand və çəvon doon həm bırniye be və bəvon otəş jıey be.çəy bəpeştə Əyniyyə şəhr bə qıləy vironə bıə vırə təbdil be. umumən har qıləy şəhr ki,çı vəhhabiyon inhirofə əğedə ğəbul kardedə nıbin iyən mığovimət nışon doydəbin,əvoni vey saxtə tale çəş kardeəbe.yəni çəvon merdon kıştey iyən çəvon jenon bə əsorət bardey bedəbe.həmonə rəftor ki,ısət DAEŞ iyən co təkfiri iyən terroristə qrupon ıştə nəzorəti jiyədə oqətə şəhronədə ın koon əncom doydən.həyğətədə,ın vəhhabi təfəkkurin və cionoyətkorə dastəon Ali-Səud və vəhhabiyyəti fırğəşon boştə ulquşon qətə.
