Osmoniyə surəon-145

Osmoniyə surəon-145

Kərimə-Ğıron çandə qılə ayəonədə min cumlə Zuməri mıborəkə surə çand qılə ayəonədə bə ğıyoməti ruji nışonəon işorə kardedə.joqo ki,hamyedə:”və bə Sur pu kardey bəbe.çən,hakəs osmononədə və hakəs zəminədə bəmarde illa əkəs ki,Xıdo bıpyoşe.peşo,ijən bə həmonə(suri) pu kardey bəbe.çən,ğəflətən əvon(bəyji bəbeyn və)səpysə bəheşten və(bə har səmt)ebərəxeyn”.(68).

Nəfxe-Sur ya bə Suri pu kardey ğıyoməti bərpo bıey nışonəonkuye.nəfx luğətədə “pu” kardey mənoədəy və”Sur” həm şeypuri mənoədəy ki,ğədimə zəmonədə bo kərvon ya ləşkəri hərəkət doeyro çəy sədoku oko doydəbin. əmmo,Ğıroni terminədə “nəfxus-sur” çı qıləy ğəfləti iyən izəmonədə bıə hodisəonku kinoyəy ki, ğıyoməti ruji bə əməl bome.ğıyoməti bərpo bıey bənav həm qıləy dəhşətin iyən tarsnokə sədo bə həmmə kəsi quş bome bərəse və ın sədo bə qırd coninə məxloği mardey boyis bəbe.planeti sistem həmmə bə yənde bəqıniye,osmonon iyən zəmin əvəz bəbe,həşi və ovşum hamuş və sard bəbe.çın ayəku iyən coqlə ayəku sərəse bedə ki,dınyo oxoyədə iyən ğıyoməti ruji bərpo bıey ərəfədə dıqlə muhim iyən ğəfləti hodisə bə əməl bome.sıftənə qıləyni de qıləy dıjd və tarsnokə sədo həmmə bəyjiyə məxloğat bəmarde.ım çı maq iyən mardey səhnəy.dıminə hodisə ki,de tikəy fosilə bə əməl bome,de qıləy dıjdə sədo və vanqi vositə qırd insonon bəyji bəbeyn və bo sıvol-cəvobiro məhşəri məhkəmədə hozzı bəbeyn.