Osmoniyə surəon-148
Osmoniyə surəon-148
Əmmo,Ali-Fironi mumin ijən de qıləy xeyrxahə ləhn iyən toni bəvon çəşnavi doşe və voteşe:ha çımı ğovm ha!az boşmə xoto bənə navkonəyon tarsnokə (əzobi)ruji qıləy rujiku və bənə Nuh iyən Ad və Səmud və çəvon bəpeştə omə kəson tale barədə tarseydəm.ın ğovmon çı şırk,kufr iyən tuğyoni roşon vıjniye və vindemone əvon bə kon kom ağıbəti dıço bin.çəvonku idastə de şiddətinə tufoni vositə,bəzi qıləyni de vəhşətnok və tındə vo iyən kuloki vositə,iqrup de osmoniyə avəçəkə vositə və I iddə həm de vironəkə buməlarzə vositə məhf bin şin.
Aya ehtımol doydəniyon ki,şımə həm jıqo bə ilahi dıjdə bəlo iyən əzobonku qıləyni dıço bəbiyon?bızınən ki, bəşmə sə omə çi,şımə ıştən tərəfikuye.çıro ki,Xıdovənde-Aləm bəştə bandəon zılm nibəkarde.əv ıştə nəsyəton dəvomədə əlovəş karde:ha çımı ğovm ha!mı boşmə çə rujiku tarseydəm ki,millət iyande sədo bəjeyn və iyandeyku komək tələb bəkardeyn,əmmo çəvon sədo bə hiç qıləy vırə nibərəse.qıləy ruj ki,dim bəqordıniyon iyən fərol bəkardiyon,əmmo,Xıdo əzobi mığobilədə bo şımə hiç qıləy pənohqo iyən dəvitiyə vırə nibəbe.
Əv ıştə xeyrxahə sıxanon dəvomədə bə Yusif(ə) peyğombəri işorəş karde ki,əv həm dəvardə soronədə Misrədə jiyedəbe və torıxi nəzəku həm de əvon jəqo qıləy fosilə mevcud nıbe.çın surə 39-ə ayədə ki,Ali-Fironi mumin ıştə ğovmi bə dınyo jimoni səhlənkorəti iyən axırəti dınyio əbədi bıey həxədə xəbərdorəti doydə və votedə:ha çımı ğovm ha!bə ın dınyo peşt dəməbastənən ki,dınyo jimon qıləy rədəvardə məta iyən ləzzəte və axırəti dınyo sabit iyən əbədiye.
40-ə ayədə Ali-Fironi mumin bəştə sehbəton jıqo dəvom doydə:hakəs bədə ko əncomdo,ğərəz çəy əvəzi co əzob nibəbe.əmmo,əkəs ki,salehə əməl,ısət çı merd bıbu ya jen,qıləy holədə ki,mumin bıbu,çən əvon bə vəhışt varid bəbeyn və əyo behisobə ruzi bəvindeyn.əv ıştə həkimonə sıxanon dəvomədə itərəfiku bə Xıdovəndi çı mucrim iyən qınokoron həxədə ədoləti işorə kardedəbe ki,fəğət əvon ıştə kardə cinoyət və qınon mığdorədə tənbih bəbeyn və co tərəfiku bə pərvərdıqore-aləmi benəhoyətə fəzli işorə kardedə ki, çı muminon salehə əməlon mığobilədə bəvon ziyodə və hisobış nıbə nemət və mıkofoton doey bəbe. qıləy mıkofot ki,nə qıləy çəşi əvonış vində və qıləy quşi əvonış məsə və hətto bə hiçkəsi zehn və fiki həm oməni….
