Xaşoğci tale
Xaşoğci tale
Ğərbi məxsusən Amerkə prizmanku,mıxolif iyən çəy rəğibə kişvəron hejo bə bəşəri həxon ciddi rioyət nıkardə kişvəron miyone.qıləy holədə ki,Amrerkə iyən çəy mıttəfiğ iyən şərikon ya bın zəminədə mınosibə vəzyətışon bıə və yaanki,əsosən Vaşinqton bın kişvəronədə bo ın mevzu qıləy bəhonə vardedəni.
Səudiyyə Ərəbıston min cumlə çı Amerkə məntəğədə muhimmə mıttəfiğonkuye ki,Amerkə iyən co ğərbi kişvəron de ın rejimi siloh ticorəti kardedə və eyni holədə ğərbi blokədə çı nat iyən ğazi ixracaat iyən ğərbi muhimmə roli ifo kardedə.
Təbiiye ki,ğərbıvıjon hiçvaxti bəştə mənafe dəlili xoto,Səudiyyə Ərəbıstoni insonə həxon vəzyəti ciddi tənğıd kardedənin və ya hiç qıləy mınosibət nışon doydənin.
Amerkə xarici koon vəzərotxonə hasor çı dınyo kişvəron insonə həxon barədə bıə ıştə hisobatış doə və məxsusən de Amerkə mıxolif iyən rəğib kişvəron bə insonə həxon rioyət nıkardeyədə mıttəhəm bıən. əmmo, bənə Səudiyyə rejimi bıə Amerkə nezə devləton bə insonə həxon rioyət nıkardə kişvəron listədə mevcud ni……
De Səudiyyə Ərəbıstoni vositə bə insonə həxon vey yavə səviyyədə rioyət nıkardey və məxsusən Səudiyyə rejimi İstambulədə bıə səfərotxonədə qim bıə tənğıdəkə məşhurə jurnalist Camal Xaşoğci mubhəmə tale həm muhimmə insonə həxon məsələonkuye.
Xaşoğci oktyabrə manqi 2-ədə ıştə de tırkə jurnalistə xanım Xədicə Çinqizi izdivaci sənədontəkmil kardero,bə Ərəbıstoni İstambulədə bıə konsuləti ovard kardedə.əmmo əv çə vırəku həni hiçvaxti bə xaric bedəni. Ərəbıstoni İstambulədə bıə konsulətiyədə de Səudiyyə məmuron vositə berəhmonə formədə Xaşoqci bə ğətl rosney iyən çəy bədəmi tikə-tikə kardey versiyə zumand bıə.
