Osmoniyə surəon-152

Osmoniyə surəon-152

Şura mıborəkə surə Kərimə-Ğıroni çılı dıminə məborəkə suəy.ın surə penco se qılə ayəku iborəte və Məkkədə nozil bıə.bə ın surə bəçəy xoto Şura votedən ki,çəy sivı həştminə ayədə mısılmınon bo məşvərət kardey iyən Şura təşkil doeyro dəvət bıən.bın surədə mıxtəlifə mətləbonku min cumlə Kərimə-Ğıron iyən islomi pəyğombəri(s) nıbuvvəti həxədə,bə tohidi dəlilon işorə,miad iyən ğıyoməti ruji çı kofiron tale və sərnıvışt,bənə istiğomət,qızəşt kardey və yolə dıli soyb bıə əxloği məbhəson və ya bənə tuğyon,inodkorəti iyən bənə dınyo pərəsti bıə rəzilə xısləton inkor kardey bıə mətləbonku bəhs bıə……

“Ha Mim Əyn,Sin,Ğaf.jələvoni məğlub nıbə iyən hikməti soyb bıə Xıdo bətı iyən bə ıştı bənav bıə kəson vəhy kardedə.osmonon iyən zəminədə bıə çiyon,bəy məxsuse və əv,barz,yole.”

In surə “Muğəttəə hərfon” bəpeştə,ıştə sıxani de vəhy iyən Ğıroni mevzu bino kardedə.vəhy həmonə ğeybi xəbəy ki,ali mələkuti tərəfiku bə maddi dınyo nozil bıə.həmmə dınyo bə iqlə sərçeşmə ittisal bıə dəçıkən və iqlə mənbəku vəhy ğəbul bedə və əv həm aləmon pərvərdıqor bıə Xıdo benəhoyətə elm iyən ğudrəte.vəhyi mehtəvo və məzmun çı qırd pəyğombəron barədə bıə usul iyən kulliyyatədə iye.harçənd bə zəmoni ehtiycon iyən insonon təkamuli seyri əsos tafutonış mevcude.

Beşək,çəy hikmət tələb kardedə ki,ilahi vəhy  har nəzəku həkimonə iyən ruşd və təkamuli zəminədə de insonon ehtiyocon həmahənq və mısovi bıbu.

Peşonə ayədə votedə ki,osmonon iyən zəminədə  bıə çiyon və umumən hestemoni aləmi mailikiyyət bəy məxsuse.

Şura mıborəkə surə 5-ə ayədə hamyedə:”kam mandəbe  osmonon(bə vəhyi əzəməti xoto və ya  mışrikon bə Xıdovəndi pokə zoti do yavə nisbəton iyən bıton çəy şərik zıney xoto) çı pentoniku volo bıbon (eqınon)”.

Bəle,ım Xıdo kəlome ki,çəy çı osmoniku nozil beıy,bəçəvon dılon larzə eğandedə,nez be və kam mandəbe ki,əvon iyandeyku poə bıbon.çıro ki,ım çı məğlub nıəbə iyən hikməti soyb bıə Xıdo tərəfikuye.fəğət çı inodkor və yoləşəxə insoni dıle ki,çəy mığobilədə nam iyən təslim bedəni.

Coqlə təbir ıme ki,kam mandəbe osmonon bə şırk iyən bıtpərəstə mışrikon xoto ki,əvon bo hestemoni aləmi ofəyə Yolə Xıdo co qıləy şərik ğayil bedən,iyandeyku poə və co bıbon.

Hestemoni aləm umumən,ısət çı cism,nəbotət ya coqləyni bıbu,inev ağl və şuuri soybin.harçənd əmə insonon ımi dərk kardey zıneydənimon.bəçəy əsos əvon Xıdo təsbih iyən sıtoyiş kardedən və çəy kəlomi mığobilədə xaze və mutin.

Məlayikon hejo aləmon pərvərdıqori təsbih votedən iyən əy de har qıləy kəmoli sıtoyiş kardedən və əy çı har qıləy noğisətiku mınəzzəh və pok zıneydən.əvon Xıdovəndiku bo zəmini əhli məxloği baxşeş iyən mığfırət tələb kardedən.

Şura mıborəkə surə 5-ə ayə oxoyədə hamyedə:aqah bıbən ki,Xıdovənd əbaxş iyən mehribone.çən,lozıme inson sadığonə bəy səjdəko və ıştə dıvo dasti çəy səm dırozko ta əv bəştə bandəon qınon sape qıləy əfvi ğələmi  bıkəşo.