Osmoniyə surəon-159

Osmoniyə surəon-159

Peşo hamyedə ki,əmə lıskə ıştə əzobi bəkamkəmon və əy bərtərəfkəmon,əmmo ijən əvon pand qəteydənin və ibrət peqətedənin və ijən sənibəton bəştə navkonə yavə koy səmt oqardedən.iyo ruşin bedə ki,zolımon iyən bədə ko soybon ehanə bə əzobi çənqali dıço beyədə,ıştə kardə koyku peşmon bedən və tojə ğəroli fikədə bedən,ımon qıləy mıvəğğəti iyən rədəvərdə koye.çoko ki,çı hodisəon tufon bərtərəf bedə,əvon ijən ıştə nodırıstə koon bino kardedən.

Duxani mıborəkə surə 16-ə ayədə hamyedə:”qıləy ruj ki,de dıjdə ğudrəti (kofiron) bəqətemon, həyğətən, əmə intiğom bıstənimon”.ın ayə həyğətədə bə qıləy saxt iyən şiddətinə əzob və cəzo işorə kardedə ki,çı kofir iyən zolımon intizorədəy.

Duxani mıborəkə surədə ayəon peşo bə navnə ummətonku bıə nımunəon işorə kardedə ki,əvon həm çı inkor iyən tərdidi royışon qəte.bə həmonə dəlili xoto,çı Mosə(ə) iyən fironi dastoniku bəhs kardedə. Mosə(ə) bə fironıjon voteşe:Xıdo bandəon(Bəni-İsrayli) bəçımı ehdə va bıdə ki,mı boşımə vığandə bıə qıləy əminə şəxsim.əv ıştə sıxani dəvomədə de məntığ iyən istidloli firon iyən çəy ətrofədə bıə kəson bə rostə roy tərəf də`vət kardedə ta ğasbu çəvon toykiyə dılon de həxı nuri ruşin bıbon.əmmo,çə həzrəti moyizə və də`vəton bəvon hiç qıləy təsirış nıkarde.nəhoyətən,firon iyən çəy ləşkər bəştə tuğyon iyən yoləşəxəti xoto,bevəcə formadə dəboxteşone və məhf bin şin və Bəni-İsrayl həm çəvon əzob-əziyyət iyən işkəncəonku ozod bin.fironıjon çiçışon hestebe ısət boğ,çeşmə,kaştemoni sahə,çokə ğəsron iyən co neməton həmmə mandin bo Bəni-İsrayli və əvon həm çəvonku çoko lozıme  istifodəşon karde....

Bə Kərimə-Ğıroni ayəon əsos,hestemoni aləm həxədə ofəyə bıə və bə qıləy hədəfi əsose.min cumlə Duxani mıborəkə surə 38-39-ə ayəonədə hamyedə:”əmə osmonon,zəmin iyən çə dıqlə miyono bıə çiyon, hənək və(behədəf) ofəyəmon ni.əmə ə dıqləro ğərəz həx (co çi) ofəyəmon ni.əmmo,çəvon veyni zıneydənin”.

Bəle,çın əzəmətin iyən hevujə xılğəti qıləy hədəfış heste.