İron İslom Respublikə xarici siyosəti çılminə sor

İron İslom Respublikə xarici siyosəti çılminə sor

İron İslom Respublikə xarici siyosəti muhimmə prinsip iyən prioritetonku qıləyni,izzət və səbarzəti prinsipe.İron İslom Respublikə  ıştə xarici siyosətədə bəpe bə islomi etığod iyən təlimon əsos,ıştə xarici mınosibəton iyən rabitəon bərpoko.joqo ki,çı kişvər iyən milləti  izzət və ehtırom beynəl-xalğ arenadə oqətey bıbu.bəpe nizom çı sultəgərə ğudrətonku bə şıkrə nıbu və bəpe bə sultəgər ğudrəon təəhhud nıdo.İmom Xomeyni(r) bın xususədə hamyedə:”muhimmə usulonku qıləyni ıme ki, mısılmınon bəpe çı kofiron sultə jiyədə nıbu.təbarəkə-mutəalə Xıdo bo hiç qıləy kofiri bə mısılmınon sultə pəydu kardeyış ğərolış doəni və bəpe mısılmınon çı kofiron sultə ğəbul nıkon”.İron İslom Respublikə Yolə Rəhbər həm xarici siyosətədə bın barədə bə izzət və səbarzəti usul iyən prinsipi rioyət lozım zıneydə və hamyedə: ”izzət bəpe iqlə prinsip bıbu və səbarzətiku dast kəşey çı hikmət iyən məsləhəti erj iyən ğeyməti çı miyoniku bardedə”.

Çın prinsipon sənəd və əsoson bəpe qıləy kitob və sınnətədə pəydu kardey lozıme.roy inkor kardey ğaydə qırd sərost iyən mıstəğimə ro və metodon dəbastey iyən qətey və çı kofiron bə mısılmınon sultə pəydu kardey  mənoədə ni  ki,ım de mısılmınon iminə mənbə bıə Kərimə-Ğıroni prinsipon zidde.Nisa mıborəkə surə 141-ə şərifə ayədə Xıdovənde-Aləm hamyedə:”Xıdovənde-Xalığ hiçvaxti kofiron bə mısılmınon nisbətədə sultə pəydu kardey royış ğərol doəni”.

Bə ın ayə əsos çı kofiron bə islomi camiyə iyənmısılmınon sultə iyən istilo  pəydu kardey əbədi nəfy iyən inkor bıə və çı mısılmınon izzət iyən ehtırom hifz və oqətety bıə.İslom,mısılmınon iyən İslomi camiyə  Xıdovəndi nzədədə bıə həmməysə barzə izzət iyən səbarzətiku bəhrə bardedən və mısılmınon bəpe sosyal mınosibəton iyən rabitəonədə bəy zərbə nıjənon.joqo ki,Xıdovənde-Aləm Kərimə-Ğıronədə çı mısılmınon iyən muminon izzət və ğudrətış ıştə iyən ıştə pəyğombəri səf və cərqədə ğərolış doə.

De Amerkə Miyonə Şərğədə bıə siyosəton mıxolifət kardey və həmçinin ıştə de Vaşinqtoni rabitəon dəvom nıdoe,çı İron İslom Respublikə xarici siyosətədə bıə rəftori nımunəy ki,de izzəti muhimmə usul iyən prinsip təğib bedə.