İron çıl sor inğılobi səbarzəti bəpeştə-27

İron çıl sor inğılobi səbarzəti bəpeştə-27

İron İslom İnğılobi Səbarzəti bə dınyo inğılobon əks,iştimayi iyən siyosi jimoni ərsədə de həxtələbəti simvoli bə ərsə ome.de İron İslom İnğılobi Səbarzəti beynəl-xalğ arenadə inhisor və monopolya darıştey be.İron İslom Respublika bənə de qıləy təsirinə rolı ifo kardə kişvəri,qlobal səviyyədə bənə de dınyo imperiyalistə ğudrəton mıborizə bardə kişvəri təbdil be.

İron İslom Respublikə nizom bə diniyə erjon təkyə kardə holədə iyən qlobal itərəfinə ğudrəti inkor kardə holədə,qırd milləton tale deçəvon ıştən dasti təyin bıey tələb kardedə. Bə ın ulqu əsos,İron İslom Respublikə siyosi nizomi ərsədə de konstruktiv,stratejik iyən kreativ  hərəkəton təhdidonış bə fırsəton təbdilış kardə.ın indekson çı İron İslom Respublikə namə ğudrəti bəyon kardedə ki,kardeyış zınə çı dınyo sultəgərə ğudrəton mığobilədə bımando və məzlumə milləton mıdofiyəko.

Ğərbədə mədəniyyəton canqon barədə nəzəriyyəçi Hantinqton ki,siyosi islomi çı İslomi İnğılobiku ilham peqətə islom zıneydə.əv,bın zəminədə votedə:”… ğərbi boştə rəğib zınə islom,Amerkə dınyo vədə əsliyə təhlukəy.”

Amerkə rəsmi şəxson dəvardə soronku de tobə ısət votə sıxanon,bın zəminədə bıə qıləy ruşinə sənəde. məsələn,Amerkə xarici vəzərotxonə Miyonə Şərği sahədə bıə sabiğ muavin Martin İndayk bın barədə votedə:”İslomi İnğlobi tənbih iyən bəy cəzo doey,bo ə keşvəron qıləy dərs bəbe ki,əvon çı Amerkə sultəku ozod bıey iyən ıştə suverinəti dumon”.