İron İslom Respublikə çıl sornə xarici siyosət-10
İron İslom Respublikə çıl sornə xarici siyosət-10
İron İslom Respublikə haftminə iyən həştminə devləton de islahati devləti məşhurin,de seqlə stratejikə unvani ziddiyyəti miyoniku bardey, sulhtələbəti iyən mədəniyyəton dialoqi nomi ıştə xarici siyosətışon vıjniyəbe. ziddiyyəti miyoniku bardey,de etımodi bə əməl vardey,təfahum iyən dı tərəfinə ehtırom mehvəriyyəti bə ixtilofon ne.bə muştərəkaton təkid kardə və seqlə unsur izzət,hikmət iyən məsləhəti sayədə və konstruktiv rəğobəti çı deşmınəti əvəzi təsdığ be.
Sulhtələbəti çı islahat devləti coqləyni strateqiyə be ki,de “daxilədə demokratiyə iyən xaricədə sulhtələbəti” şuori mıtobiğ vıjniye be.sulhi termin çı haftminə iyən həştminə devləti prezdenti sıxanonədə ziyodə bə çəş çiyedəbe.islahati devləti rəyisi prizmaku sulh de insoni fıtrəti mınosibe və diskriminasiyə və nobərobərəti sulhi bəyənde jıə əsliyə amile.xaricədə sulhtələbəti strateqiya formatədə reqional iyən beynəlxalğə mınoğişəon bəkam kardeyədə,hoziyətiku bə diyəro mandey və de co kişvəron məxsusən de hamsuyə kişvəron dustonə mınosibəton bərğərol kardey siyosət təğib bedə.
Sivilzasiyəon dialoq həm çı haftminə iyən həştminə devləti xarici siyosəti seminə strateqiyə be. mədəniyyəton votemon bə İroni sulhtələb və sulhamizə siyosəti təkid be.İMT umumi assambleya 2001-ə sori həm həmonə sorış de sivilzasiyaon dialoqi nomi elonış karde.de ın holi mədəniyyəton votemoni ideya de torıxi bədşınosi dim bədim ome və əv həm çı 2001-ə sori 11 sentyabr hodisə bə əməl ome be.ın hodisə boyis be ki,Samuel Hantinqtoni “sivilzasiyəon canq”-I ideya ijən bə dığğəti mərkəzi təbdil be.
Kulliyə formadə ironi haftminə ioyən həştminə devləti xarici siyosəti əsliyə hədəf ım be ki,bo İroni təcrid kardey cəhdon vəy bıqəto.bın cəhətədə Seyd Cəlal Dehğani Firuzabadi universteti mellim elon kardedə ki,bın devrədə İron cəhd kardedəbe ki,de mısbət və realə təsəvvır soxtey vositə ıştəku qıləy islohış təsvirış karde və beynəlxalğ arenadə ğeyri-həyğiyə imicış çı miyoniku barde.bə ın əsos xarici siyosət bə siyosi,fərhənqi, ziddiyyəti miyoniku bardey,etımod icod kardey iyən sulhtələbəti prinsipon inkişofiro mehkəm be……
