Asiyə ğərbi məntəğə

Asiyə ğərbi məntəğə

Şəhid Ğasım Suleymoni şəhodəti bəpeştə Asiyə ğərbi məntəğə muhimmə hodisəonku qıləyni Mığoviməti Dayirədə qıləy vohidəti bə əməl omeye.

İraği Mığoviməti cəbhə  dıqlə siyosi iyən hərbi cəhəto amerkə hərbiçiyon çın kişvəriku xaric bıey dəvominə surətədə tələb kardedən.sıftədə İraği parlament yanvarə manqi pencminə ruji amerkə hərbi ğıvvon İrağiku xaric bıey ğanunışon təsvib karde,bekardeşone və çəy dəvomədə bın kişvərədə bə amerkə hərbiçiyon ələyh bıə təhdidion de şiddəti rujbəruj ziyod be.

Şəhid Ğasım Suleymoni şəhodəti bəpeştə İrağədə bə amerkə hərbi ğıvvon zidd Mığoviməti cəbhə həmləon ziyod be və hətto çandə nəfər amerkə hərbiçiyonku kıştə həm be.de bə ın vəzyəti rəğmən, amerkə seqlə ro yəni bə İraği Mığoviməti qrupon həmlə kardey,İrağədə çandə qılə hərbi bazon bastey və ijən sənibəton de Bağdadi devləti  mızokirə kardeysə co roş nımande.

Amerkəvıjon nəzə ım be ki,de bə İrağıjə Mığoviməti cəbhə həmlə kardey,çəvon bə bın kişvərədə bıə amerkə hərbiçiyon həmlə kardey vəy qətey bəzıne.əmmo çəvon ım nəzə səhf be və amerkə məcbur be ki,ıştə İrağədə bıə kali hərbi bazaşon dəbaste.

İarğədə çı amerkə dəbastə və xarix bıə iminə hərbi bazə,Ələnbarədə bıə Ğayimi hərbi bazə be ki,dəvardə martə manqi çı irağıjə ğıvvon ixtiyorədə ğərolış qəte.Neynəva ostanədə Mosuli şəhri cənubədə bıə Əlğiyar dıminə hərbi bazə be ki,amerkəvıjon əvrəşon tərk karde.seminə hərbi bazə İraği Kərkuki şəhri 1 kilometriyədə bıə bazə be ki,amerkəvıjon çəyu xaric be.amerkə hərbiçiyon tərk kardə çominə bazə həm Ələnbari Həbaniyyə hərbi bazə be .

Amerkəvıjon çı hərbiçiyon xaric bıey mevzuku bəhsışon karde,əmmo amerkəvıjon çın təxliyyə bıə hərbi bazəonku bənə Ərbilədə bıə Taci,Eynul-Əsəd və Əlhəriri bə co dıjdə hərbi bazəon ovoştıney be. amerkəvıjon iddioşon karde ki,amerkəvıjon İrağiku xaric bıey bə Koronavirusi pandemiyə xoto bın kişvərədəy.

Anti-DAİŞ beynəlxalğə koalisiyə sıxanəvot Maylz Kaqinz tvittədə nıvışteşe:çın koalisiyə ğıvon komandirəti İrağədə bıə mərkəziş bə Mıdofiyə vəzərotxonə təhvilış doydə və çandə sa qılə amerkəvıjə sərboz və hərbi mışovir mıvəğğətən boştə səloməti çı Koronavirusi pandemiyəku oqəteyro İraği tərk kardedən.

Demiyən bə nəzə rəseydə ki,amerkə boştə İrağədə bıə hərbi bazəon basteyro əsliyə dəlil,Şəhid Ğasım Suleymoni və Əbu Məhdi Əlmuhəndisi şəhodəti bəpeştə İrağədə bə amerkə hərbi ğıvvon zidd bıə təhdid iyən həmləon şiddət pəydu kardeye.həyğətədə,Şəhid Ğasım Suleymoni şəhodəti bəpeştə İrağədə bo amerkə bıə nəticəonku qıləyni,amerkə Asiyə ğərbədə bıə mevğıyyəti zəyifəti və iştimoyi fiki bə vaşinqtoni zidd bıə nifrəti ziyod bıeye,Asiyə ğərbədə reqionalə səviyyədə amerkə hərbi zumandəti darıştə bıə və bə İ.Ştaton ələyh bıə nifrət rujbəruj ziyod beydə.çın iştimoyi fiki reqional nifrəti nımunə, 2020- milodi soriyanvarə manqi 24-ə ruji  İrağədə bə amerkəvıjon zidd bıə çandə milyon insoniku iborət qıləy etırozinə mitinq be.

Harçənd İrağədə bıə ım vəhdət çı qırd hodisəon bədiqə,əmmo amerkəvıjon xaric bıey fəğət bə İraği məxsus nıbe və Livani Hizbullah təşkilot həm və Yəmənədə Ənsarullah və Suriyədə bıə mığoviməti cəbhə həm bə amerkə hərbi ğıvvon məntəğə səviyyədə xaric bıey təkid kardedən və ın  çı Şəhid Ğasım Suleymoni şəhodəti bəpeştə ğərbi Asiyədə bıə muhimmə hodisəonku qıləyniye...