Ilahi rəhbəron-146
Ilahi rəhbəron-146
Əhlı-Sınnəti alimonku qıləyni bıə İmom Məhəmməd Bağıri(ə) barzə şəxsiyyəti həxədə qıləy xısusi nəzəş bıə.Şafeyi məzhəbi alimonku qıləyni Şəhabuddin Əhməd ibn Həcər Həytəmi ıştə Əssəvaiğul-Muhriğə kitobədə çə həzrəti həxədə jıqo nıvışteydə:…bə Əbu Cəfər Muhməmmədi Bağir nom noey be.çun əv elmon muşikilaton poəkə və çı elmon bəon ojəkə be.əv qıləy əndozədə çı elm və maarifi punhonə xəziənəonış oşko və məlumış karde və çı elmon hikmət və həyğətonış bəyon kardə ki,ğərəz bebəsirətinə fərdon ım puşniyə bıəni.bəçəy xoto bəy elmon cəməkə iyən poəkə votedən.ım alim İmom Məhəmməd Bağıri(ə) təmcid iyən tərif kardey bəpeşt çə ə həzrəti elmi iyən əxloği xısləton bəyon kardedə və nıvışteydə:çəy dıl ruşin və çəy elm iyən əməlış ziyod və ruf iyən conış pok və və rəftor iyən əxloğış pəsəndidə və bə xoş omə və əy ıştə umri qırd devronış çı Xıdo bandəçəti iyən itoəti royədə dəvordınışe. ə həzrət irfani seyru-suluki royədə qıləy adət və şivəş hestebe ki.məddohon iyən tevsifəkəyon çəy bəyon kardeyku ocizin….
İmom Məhəmməd Bağıri(ə) yolə koonku qıləyni həm de Əhli-Beyti(ə) məktəbi tərəfdoron vositə Şiyə məzhəbi xısləton bəyji kardey be.İmom(ə) dılış hestebe de ın roy vositə de Şiəyon rəftoron,şivə və əməlon əvəz kardey,boəvon qıləy hevujəti və təhəvvulot icodko və həmçinin de qıləy mısbət və təsirinə ulqu nışon doey,çı əməvi zolımkorə hukuməti camiyədə pevolo kardə səhfə zehniyyəton isloh və pokko. əməvi sıtəmkorə hakimon islomi camiyə miyono çaplusəti iyən yaltağətiş rəvocış doəbe.bə həmonə dəllili xoto millət de qıləy tarif iyən sıtoyişi şo və xoşhol beydəbin və çı tənğıdılu rəncidə və norohət beydəbin və bəmi qıləy əksul-əməl və reaksiyə nışon doydəbin.İmom Məhəmməd Bağıri(ə) bo camiyə fərhənqədə qıləy əsosinə təhəvvulot icod kardey xoto,bə qıləy usuli şaxison işorə kardə holədə hamyedə:bızın tı çəmə viloyətmədiorə dustonku bəvədə bəbeyş bəçımı votə nışonəon rioyətkoş.ehanə şəhri qırd millət bətı yavə sıxan bıkoyn,ğəmqin və norohət məbi və əgər tıro tarifkon və tıni bənə qıləy ləyoğətinə şəxsi nışon bıdon,şo və xoşhol məbi.peşo İmom Məhəmməd Bağır(ə)bo kazib iyən duyə insoni həyğiyə insoni şəxsiyyəti ğolibədə zıneyədə bə əsosinə usulon işorə kardedə və hamyedə:de Ğıroni rabitə bərpoko.ehanə tı çı Kərimə-Ğıroni tərsim kardə və bə təsvir kəşə riy və məsirədə qəm şodoş və tıni tərğib iyən təşviğ kardə çi meyl nışon bıdoş və tıni bə erjon zidd əməlonku obəqəte.fəğət bın surətədə sabitğədəm bəmandeyş.əgər tı bə Ğıroni tərsim və təsvir kardə ro və şivə əks hərəkətkoş,ıştı vucudədə nıbə tərif iyən təmcidon tıni bə dast dənoey əzıni və tı bəçəvon təsiri ji dəşey nibəzıneyş…..
