Fəcri kino festival

Fəcri kino festival

Əzizə tolışon səlom, şımə ruj bə xəyr bıbu.

Səmimi əməson, ınşanqo de Həzrəte İmom Əli(ə)-i milad şəvi sorəqardışi bərobəre, ijən maştə dədə və mırdon ruji ğeyd bıə ki ım mınosibəton bə şımə xıdmət təbrik ərz kardedəm.

Mehribonon, İroni kino sənaye, həmişə solim və hevujə zəminəonədə çı daxıli, məntəğə və beynəl xalğə vujuronku istifodə kardəşe.

Fəcri kino festivol,har sor İroni kino sənayero qıləy vitrine və  İslamiyə inğilobi səbarzəti sorəqardış əyyomədə bərpo bıdə. Im festivolədə İroni kino əholi ıştə tojə filmon nışo dodən və çəy çıl minnə dıvrə, cımə Bəhmənə manqi 22 minnə rujədə de vıjniyə bıə kəson intixobi ıştə ko bə oxo rosnişe.

Im bərnomədə bə ım festival iyən çand qılə vıjniyə bıə kinoon işorə kardedəmon, dəvət kardəm dəmə bə ico bımandən.

Xosə Tolışon, İronədə Fəcri kino festivol qıləy kino festivole ki 1361 minnə soriku har sor Bəhmənə manqi nimədə Tehroədə bərpo bıdə.ım festivol de Farabi nomo bıə kino təşkilati vositə və islamiyə mədəniyət və təbliğon vəzarətxonə jintonədə bərpo bıdə. Im festivoli mısobiğə baxşonədə, iştirokəkəyon bo (bulurinə simorğ) nomo bıə xususi mokafatiro de yande rəğabət kardedən. Im festivali bino bey zəmonədə hınə soyb bıə kəsonku ğədrdonəti və çəy oxoədə həm qıləy kino de milləti sədo vositə vıjniyə bəbe.

Fəcri kino festival bənə İroni kino sənaye muhimmə baxşe və İroni mədəniyəti yolə siyosəton nışonəy ki bənə İroni kino muhimmə hadisəonku əvəz bıə. Im festivali çıl minnə dıvrə, 2 qılə əcumlə (mədəniyəti baxşon) və (rəğabəti baxşon) bərnomə şomil be. Im dıvrədə bə festivali mədəniyəti bərnoməon vey təkid bıə ki əcumlə İroni kino qəncinəon baxşon (əbəədiyə ğabon), kino və fiki mədəniyəti onemonon de mədəniyət və fiki yolon iştiroki (de fikəkəyoni bə ico bıə 10 qılə şəv), kino yolon yol qəte(əbədiyə rolon) muxtəlifə bərnoməon ğolibədə və de kino nımoyeş doe və muxtəlifə filmonədə təhğiğ kardey şomil be.

Imsornə festivolədə səyo cəhd bıə ki mədəniyəti ədolət əncom bıbu və de Tehroni həmzəman, 31 qılə co ostanonədə həm muxtəlifə umum millət ım festivali kinoon təmşo kardeşone. əlovə bə ım inğilobi bəpeşt bıə kino 4 nəsl həm ım dıvrədə iştirok kardışone və səyo cəhdışon be ki İroniku qıləy rişədorə rəvoyəti bə dınyo nışo bıdən. Im festivolədə kinoon de muxtəlifə mıvzoon əcumlə mədəniyət, muğədəsə mudafiə, inğilobi tarix və xıyzoni iştirok kardışone və umid heste ki de korona pandemia oxo, co kərə kino salononədə moxatəbon iştiroki şoyd bıbımon.

Isət bə çand qılə ım festivoli məşhur və vıjniyə bıə filmon və əsəron işorə kardedəmon.

Əzizə duston, Fəcri festivoli sə kardey mərosimədə, vətəni sərdor mokafat bənə Sərdor Suleymani xususi mokafati, bə Milli diyəku vey çokə kino (bedone ğərore ğəbli) nomo bıə filmi de Behroze Şəfii direktorəti, doə bəy.

Im film səyo cəhdış be ki ğəhrəmonəti və şəxsiyəti təhəvoli səfəri rəvoyət ko, jəqo ki bəştə vətən və dəvardə jimoni hiç dılbastəti və meylış nıbe.

(bedone ğərore ğəbli) mənəvi və məzhəbi kinoon baxşədə, vey təsirinə filme ki de insoni pokə zot iyən çəy səhihə roy vıjniye plani vositə, karde bəzne dınyo har vırəku ıştə moxatəbon peydo ko. Im film İroni ətru buş heste və bə İroni qıləy ailə bumi və mədəniyəti fəzo icod kardeyədə və İroni jimoni ulquon və simvolon istifodə kardey xoto, vey muvəffəğ əməl kardəşe.

Coqılə film, (Henas) nomo bıə film de Huseine Darabi direktorəti be ki bə İroni cıvonə ellitaonku qıləyni jimoni ixtisos peydo kardə, ım ellita İroni atomiyə sənayeədə əctiv be və de sioniston vositə şəhid bıə.

Şəmsi 1390 minnə sorədə, Daryoşe RezaiNejad qıləy holədə ki deştə həyot həmro və kinə bə ico bə ıştə kə varid bey holədə be, terroristiyə əməliyoti vositə şəhid bıə. (Henas) nomo bıə kino, həminə şəhidi həyot həmro diyəku yəni Xanım Doktor Şohre Pirani nəzəku bə ım yolə şəhidi jimon işorə kardəşe.

Bə Kırdi zıvon (Henas) çeme nəfəs ya çeme əziz məenodəy ki Şəhid RızaiNejad əy boştə həyothəmro istifodə əki.

(Henas) nomo bıə kino bioqrafiyə mıvzoədə soxtə bıə və qıləy jeni eşğ və məhəbətinə səyo cəhdi nışo doydə ki ıştə jimoni çı həyəcon və niqəroniku xaric kardey holədəy. (Henas) nomo bıə kino, şəhidi jimoniku, həmçınin muşkilaton və daveoni ki şəhidi şəhododəti bənav, bo çəy həyot həmro icod bıə nışo doydə.

co stratejikə əsəron soxte muğaisədə, Henas çand qılə cəhətədə vey eteborine. İminnə ıme ki tojə diyə cəhəti, kino filmon ım hissədə bo dastani rəvoyət nışoş do, əlovə bə ım, ım film co filmon muğaisədə vey kam bə şuar doe səmti hərəkət kardə.

Bəle mehribonon, Bə co qılə kino işorə kardedəmon, (şəvi neqəhban) nomo bıə film ki Rıza Mirkərimi vosotə soxtə bıə. Mirkərimi vey zəmononədə sodə mıvzoon və hətto sodə odəmon adiyə jimonon rəyoyət kardedə, ki saxtion, muşkilaton və norohətion çəvon sodə və solimə jimoni əvəz kardəni.

Çəy kinoon həmişə nəcib və şərife ki çəy barədə insonon ıştə insoni reaksiya və məsuliyəton nışo dodən. (Şəvi Neqəhban) Kermon şəhri qıləy diədə bə dınyo omə şəxsi barədəye ki Tehronədə bo ko peydo karde nəvedə və qıləy bina ki dute holədəye bəy dodən ki çəy hıvockə bıbu.

Mirkərimi ım filmədə fəğır və bezuə təbəğə nışo doydə ki be ım ki qınoh və xəto bıkən bəştə zumandəti və izzəte nəfsi rəsey vey səyo cəhd və jimon kardedən.

Əmmo Fəcri festivoli oxonə filmi təhğiğ kardeyədə bə (mehdi mıvğiyət) nomo bıə film işorə kardedəmon. Im film çı Hadie Hecazifəri iminnə soxtə kinoe.

Əv ki nako İroni kino və teatri hissədə, bənə ifoəkə ya artist əctiv be, ıştə iminnə kino soxteyədə bə şəxsiyət mehvəri kino tərəf cəzb bıə.bə Qıləy şəxsi jimon işorə kardəşe ki ıştə jimoni vey behroninə mıvğiyəti yəni canqədə ğərorış qətə. Bə qıləy fərmondə jimoni işorə kardəşe ki həmmə çəy jimoni zıneydən.

(mehdi mıvğiyət) qıləy filme ki Təbrizi Aşura 31 minnə ləşqəri fərmondə yəni Mehdi Bakeri vəyə zəmoniku tosə çəy şəhodəti nışo doydə.

Har kişvəri canqi kinoon əhəmiyyət, milli rohiyə zumand kardey bois bıdə və həlbətə bo əvoni ki canqi zəmonədə jimon əkin çəvon dardon və norəhətionro qıləy oromətie və ımruj de həmoə dovrani xatirəon jimon kardedən.

Həminə diyədə (mehdi mıvğiyət) qıləy erjinə filme ki əqəçı bo əvoni ki Mehdi və Həmide Bakeri zıneydən, tojə sıxənış ni, əmmo qıləy fərmondə jimoni ibaxşışe ki bəştə əsqəron bışən sıxəni votey əvəzi boənən voteydə.

Əv de ım vıcud ki çəy ailə jimoni şəroyet vey bədə şəroyet be həmçınin çəy bıvə şəhid bıə, əmmo iminnə xətədə əmandi ta bəştə əsqəron rohiyə və şucaət və muğavimət dərsi bıdə.

(mehdi mıvğiyət) nomo bıə film, meydonədə bıə xususi efekton, sədo muhəndisəti, mətni musiği və vey çokə direktorətiədə mokafat qətəşe, iyən Fəcri kino çıl minnə festivolədə hakimon heyətiku bənə vey çokə film vıjniyə bıə.