Livani Hizbullah:Hiç qıləy ğıvvə çəmə silohon səy nibəzıne
Livani Hizbullah Siyosi Şura mıovini təkidış kardə ki,hiç qıləy reqiyonal iyən beynəlxalğə ğıvvə əməni bo tərkı-siloh kardeyro məcbur kardey nibəzıne.
Bə Pars-Tudey bə İRNA istinodən doə məlumoti əsos,Livani Hizbullah Siyosi Şura mıovin Məhmud Əlğumati bəyonış kardə ki,hiç qıləy reqiyonal iyən beynəlxalğə ğıvvə əməni bo tərkı-siloh kardeyro məcbur kardey nibəzıne.Əy votəşe:Mığovimət tosə Livani sərzəmini oxonə vıjə ozodəti dəvom pəydo bəkarde.Əy əlovəş kardə:De Livani devləti de dışmenə sehyonist rejimi sərostə mızokirəon mıxolifimon iyən fik kardedənimon ki,jıqo qıləy mızokirəon ovandəti pəydoko.Əlğumati ıştə sıxanon dəvomədə bımiş təkid kardə ki,Livani devlət de dışmeni mızokirə şivəon zıneydəni və elonış kardə:Umudəvo bimon ki,Livani devlət çe Mığoviməti kartiku bənə qıləy ğudrəti avjori oko bədoe.Əy bəyonış kardə:Əmə bo daxili fıtnə icod kardeyro bıə səyon nışonəon mışohidə kardedəmon iyən bə çımi nəticəon nisbətədə çəşnavi doydəmon.həmonə holədə Livani İslomi Mığovimət cımə ruji çın kişfəri cənubədə bə sehyonist rejimi mevğeyon ələyh penc qılə əməliyyot dəvordıneyışon xəbə doə.Livani canqəvəron de qıləy kamikadze droni əməliyyoti Ğəntərə şəhrədə dışmenə sehyonist rejimi ləşkərış hədəfışon ğərol doə.Livani İslomi Mığoviməti dıminə əməliyyotədə həm Ğəntərə şəhrədə çe dışmenə sehyonist rejimi iqlə hərbi maşin hədəf ğərol doey bıə.Livani Hizbullah həmçinin ıştə seminə əməliyyotədə çe dışmenə sehyonist rejimi hermes 450 dronışon çe Suri həvo marzədə məhfışon kardə.Ramiyə şəhrədə bə sehyonistə dışmeni zirehinə maşini hucum həm Livani İslomi Mığovimət çominə əməliyyot be.Hizbullah canqəvəron pencminə əməliyyotədə Ğəntərə şəhrədə çe dışmenə sehyonist rejimi hamr nomo zirehinə maşin hədəf ğərol doey bıə.
